susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Bizitzaren koloreak borborka | Dakienak idatzia »

Septentrio / Aurelia Arkotxa / Alberdania, 2001

Septentrio Lourdes Oñederra / Beterriko Liburua, 2002-05

… gomendatuko nioke Poesian blai egin nahi duenari, bere Euskara zabaldu eta besterena (“beste aldekoena”) ikasi nahi duenari, liburu Eder bat eskuetan arin hartu nahi duenari: hor da Aureliaren idazkera poetikoa, bere hizkuntza aberatsa, edizioaren aurkezpen apain eta apaindua.

Kasu egiten didana aspaldiko Marko Polo eta Kogatrarekin maiteminduko da eta oraingo Kanadako indiarrekin ibili ahal izango da, gozo-gozo, ametsezko paisaia errealetan, lurralde ezagunak amestuz eta ezezagunak bereganatuz, Aurelia Arkotxaren sorkuntzaren liluran eta bere jakituriaren sakonean harrapaturik.

Hamaika hizkuntza eskola baino hobeto, literatura egiteko moduei buruzko mintegi neketsuak baino areago: ausartu Arkotxaren Septentrio dastatzen eta bizi hain urrundik hasten dena nola hurbiltzen digun Arkotxaren konta-pasioak.