susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Txokotik mundura | Urte ilunetan »

Ortzadarra sutan / Fernando Morillo / Elkar, 2002

Ortzadarra sutan Gurutze Jauregi / Aizu!, 2002-10

Istorioa: 18 urteko lau neska-mutilek udaldia pisu batean elkarrekin pasatzea erabaki dute. Elkar hobeto ezagutzen doazen heinean, laguntasuna, desioak, lehen sexu eta amodio abenturak biziko dituzte. Elkarren berri izan gabe 15 urte igaro ondoren, telefono dei batek denak elkartuko ditu berriz, eta bizitzaren ikuspegia aldaraziko dien gertaera biziko dute.

Nabarmentzekoa: Istorioa bi garai diferente horien artean salto eginez harilkatzen da. Hala, nerabezarotik gaztarora eta gaztarotik nerabezarora pasatzen da bi garaiek topo egin eta elkar osatu arte. Oso bide egokia da bi sasoien artean dagoen kontrastea azpimarratzeko: alde batetik, 18 urteetako bizitzeko grina, eta bestetik amestutako desioen zapuzketa.

Esaldi bat: Gutako bakoitza ortzadar erraldoi baten zati txikia da. Eta ortzadarra nahiko nahasia da.

Saria: Fernando Morillok Igartza sariarekin irabazi zuen bekari esker idatzi du helduentzako bere lehen eleberri hau.

Norentzat: Nerabe eta gazteen gaineko nobela bada ere, ez da horiei bakarrik zuzenduriko nobela. Bizitzari buruz eskaintzen duen ikasia edozein adin eta motako pertsonek jaso dezakete.