kritiken hemeroteka

7.777 kritika

Azken kritikak

« | »

Arma, tiro, bammm! / Joan Mari Irigoien / Elkar, 2013

Istorio paraleloak Javier Rojo / El Diario Vasco, 2013-12-27

Azken urte hauetan Joan Mari Irigoienek eleberri luzeak argitaratzeko joerari eutsi dio. Bere azken liburuak, Arma, tiro, bammm! izenburua duen idazlanak ia seiehun orrialde dauzka. Nobelan, arnasa luzeko argumentua aurkezten zaigu. Istorioa berrogeita hamar urtetik gora luzatzen da, bertan kontatzen baita nolakoak izan ziren bi familiaren gorabeherak XX. mendearen bigarren erdialdean. Familia bat Euskal Herrikoa da, Bereibar irudimenezko herrikoa, Bizkaia eta Gipuzkoa artean kokaturik dagoena. Bestea, herrialde musulman zehaztu gabe batekoa. Familien kronikak hari narratibo banatan gauzatzen dira, paraleloan, baina momentu batean bi istorioek bat egiten dute: izan ere, familia euskaldunak armak fabrikatzen ditu, eta euskaldunek ekoiztutako mina baten ondorioz hilko da familia musulmaneko kide bat.

Joan Mari Irigoienen literatura ezagutzen duen irakurlea berehala ohartuko da bertan agertzen direla era exajeratuan idazle horren nobelagintza definitzen dituen osagaiak. Lehenengo eta behin, idazle honek hainbeste erabiltzen dituen bikoizketak ikus daitezke, pertsonaiak ia ideia batzuen errepresentazio eskematiko bihurtzen dituztenak: zientzia eta erlijioa, airea eta lurra, materialismoa eta espiritualtasuna… Bigarren ezaugarria, diskurtsoan erabiltzen duen estiloa izango litzateke: erretorikoa, abstraktua, oso arranditsua. Eta hirugarren ezaugarri moduan narrazio teknika bera jarriko nuke, narratzailearen figuran zentratuta: XIX. mendeko nobelatik aterata dirudien narratzaile orojakilea, zeinengan idazlearen presentzia nabarmena den.

Itxuraz, nobela jasoa eta sakona da, baina uste dut diskurtso arranditsu hori ez ote den aritzen idazlearen asmoen kontra, tragediaren azalpena askotan parodiaren mugatik hurbilegi dago-eta.

Azken kritikak

Algara mutilatuak
Ane Labaka Mayoz

Irati Majuelo

Poesia kaiera
Christopher Okigbo

Igor Estankona

Iturria
Unai Elorriaga

Iban Zaldua

Sotoan gordeak
Miren Gorrotxategi

Arrate Beristain Uriarte

Etxeko urak
Leire Bilbao

Jose Luis Padron

Arkanbele kantak
Mikel Taberna

Aiora Sampedro

Mizia min
Jon Ander Urkiaga

Nagore Fernandez

Algara mutilatuak
Ane Labaka Mayoz

Ainhoa Aldazabal Gallastegui

Poesia kaiera
Edna St. Vincent Millay

Igor Estankona

…eta infernuko demonioa adiskide
Iñaki Irisarri

Paloma Rodriguez-Miñambres

Zartatua / 4.48 Psikosia
Sarah Kane

Amaia Alvarez Uria

Erabili goldea hilen hezurren gainetik
Olga Tokarczuk

Irati Majuelo

Lilurabera
Yurre Ugarte

Paloma Rodriguez-Miñambres

Dendaostekoak
Uxue Alberdi

Mikel Asurmendi

Artxiboa

Maiatza 2021

Apirila 2021

Martxoa 2021

Otsaila 2021

Urtarrila 2021

Abendua 2020

Azaroa 2020

Urria 2020

Iraila 2020

Abuztua 2020

Uztaila 2020

Ekaina 2020

Hedabideak