« Candida edo olerkariaren bihotzeko sekretua | Ortzadarra sutan »

Errautsen distira / Xabier Mendiguren Elizegi / Elkar, 2002

Errautsen distira Jon Kortazar / El País, 2002-07-29

Xabier Mendiguren Elizegik Errautsen distira ipuin liburua argitaratu digu. Ez dakit zergatik, baina izenak El esplendor de las cenizas hura ekarri dit gogora. Gerra Zibilaren inguruan moldatua, lau ipuin luzek osatzen dute liburua. Ikerketaren inguruan osatuak dira ipuinok, eta zein baino zein interesgarriagoa.

Lau ipuin, lau sinbolo: miliziano galdua, abade maltzurra, PNVko gezurtia, eta bere izaera —bere aita— zein den jakin ez dakien euskaldunaren bizitza. Irakurketa alegorikorako aukera handia ematen du Xabier Mendigurenen liburuak.

Ikerketaren klabean idatzita daude ipuin bat baino gehiago. Ikerlari eta kazetari batek zerbait jakin nahi du eta haren peskizan hasten da. Beraz, nobela poliziakoaren giltzak aipagarriak izango dira.

Pena baina, narrazio aldetik batzuk ahultxo agertzea. Lehen ipuinak, adibidez, eta beti nire ustez, interesa galtzen du, protagonistak helburu bi dituelako eta tragediarena —zer geratu zen jakitea— galdu egiten delako, lige kapritxoso baten uhinetan.