« Gure gazte ozpinduak | Nino bihurtutako Ander »
Deception Island / Xabier Artola / Alberdania, 2010
Dezepzioa Felipe Juaristi / El Diario Vasco, 2010-06-25
Haserrea baino askoz suntsigarriagoa da dezepzioa, diotenez. “Eta azkenerako ohartzen haiz, ezarian-ezarian, ez hagoela haserre, haserrea baino askoz suntsigarriagoa dela dezepzioa…”, irakur daiteke liburuan. Poza kentzen duen sentimendua omen da, beste norbaitengan edo bete nahi den desira batean jarritako itxaropenak behera erortzen direnean. Harridura, bateko, eta samina, besteko, dakartza ondorio gisa. Dezepzioa, iraunez gero, frustrazioaren bide da, baita depresioarena ere. Horra hor, ustez baino zabalagoa den dezepzioaren definizioa. “Zaila dun oso, gero, behialako konfiantza berreskuratzea, eta hondoa jotzen dun, amildu egiten haiz beste behin, barren-barrenetik husten baitu desengainuak”. Berriro ere egilea.
Deception Island izenez ezagun duguna, Hego Shetland artxipelagoko uharteetako bat da, Antartidatik gertu. Ez dago asko pentsatu beharra jakiteko zergatik ipini zioten halako izena. Seguru asko, hara joan zen lehendabiziko europarrak ez zuen aurkitu nahi edo espero zuena; espero eta nahi izatea, askotan, biak batera baitoaz. Nahiak, eskuarki, esperantzaren baitan aurkitzen du zentzua.
Zerbait hautsi ondoren nola osatzen den berriro kontatzen da liburuan, hustutakoa nola betetzen den. Asier Himalayan da, kinka larrian. Lortu du, ordea, Anerekin hitz egitea, erietxean, sakelako telefonoaren bidez. Une horretan iragana etorriko da, bera ohikoan etortzen den bezala. Ane gogoratzen hasiko da, eta zenbait pasarte etorriko zaizkio, bere bizitzan erabakigarriak izan direnak. Atzera bideak beste ikuspegia eskaintzen baitu, aurrera begira joandakoan nabari ez dena. Baina jakin beharra dago, aurrera egiteko. Dezepzioa ere joaten da eta bakardadea ezabatzen. Dena dela, eta idazteko moduari dagokionez, ipuinak berebiziko indarra du. Hitanoaren erabilerak eragiten du hori.
Poesia kaiera
Giorgos Seferis
Irati Majuelo
Altxa, hildakoak
Fred Vargas
Joxe Aldasoro
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos