« Inoren klixetik eta kortxetetik aske! | Memoriaren minak »
Urperatze handia / Karlos Linazasoro / Elkar, 2009
Naufrago gaixoak Felipe Juaristi / El Diario Vasco, 2009-11-20
Karlos Linazasoro poeta da, narratzaile narrasti narritaria den bezain. Hitz jokoak gustatzen zaizkio; hala ohartuko da liburu hau hasi eta buka egiten duena. Baina hitz jokoak baino gehiago, edo haiek bezainbeste, pentsamendu jokoak gustatzen zaizkio, paradoxa paradoxiko paraxutistak. Pentsamendua, izan ere, gure burmuinetan asentatu nahi duen paraxutista baita. Batzuetan gaizki erori eta herren ibiliko da; besteetan, ongi erori izanagatik, tente-potente eta satisfetxo eta harro eta orro eta oro konkistatzaile.
Historia honetan atsegin-bidaia egiten ari ziren gizon-emakume batzuen naufragioa kontatzen da. Uharte batera iritsiko dira. Guztiak dira jubilatuak, eta bada, tartean, hiru gerra bizi izan dituen gizon adin puskakoa, hil ezinik. Baina Linazasororen testuetan ezer ez da dirudiena, edo, ezerk ez dio bere izaerari eusten, beste bidetik joaten baita, absurdoaren absurdoaz bere noraezeko amildegian eroriz, edo eroraraziz, zeina ez baita berdin, ezta ezberdin ere, zehatzak izan nahi báldin badugu.
Elkarrizketek dute indarrik handiena, honakoan bederen. Etengabean hizketan jarri baitira hogeita bi naufrago gaixo eta goxo eta kirri-kirriak, eta liskarrerako biderik ezean, irribarrerakoa, gutxienik, irekitzen dute, hitzen, labankadaz, edo hitzen pikatxoiez, edo hitzen mailukadez.
Linazasoro idazle umoregilea da, baina esan behar umorea berezia da, sakonekoa azalekoa bainoagoa. Pentsatzera bultzatzen du, gogoeta egitera, hausnarketa gauzatzera. Dena dela, liburu honek orri gehiago beharko lituzke, pertsonaia guztiek, eman dezaketen guztia eman,ahal izateko. Baina, seguru nago, hurrengoan irakurriko dugula hemen irakurtzerik izan ez duguna.
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera
Ura ez baita beti gardena
Xabi Lasa
Irati Majuelo
Gaueko azken expressoa
Eneko Aizpurua
Ibon Egaña
Carvalho Euskadin
Jon Alonso
Aiora Sampedro
Gizadiaren oren gorenak
Stefan Zweig
Jon Jimenez