susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Gazte ohien noraeza | Ondo bildutako gai anitzen bilduma »

Sartu, korrontea dabil / Ixiar Rozas / Erein, 2001

Hiri mosaikoa Javier Rojo / El Correo, 2002-01-09

Azken urte hauetan euskal literaturan agertu diren izenik interesgarrienen artean, dudarik gabe, Ixiar Rozas dugu. “Sartu, korrontea dabil” izena du bere azken literatur lanak, eleberria edota elkarri lotuta dauden istorioen bilduma izan daitekeen liburuak.

Bertan hirian (Paris, baina beste edozein izan liteke) galduta bezala dauden pertsonaia batzuk noraezean ibiltzen ikusten ditugu, elkar topatzen beraien artean harreman sotilak sortzen. Pertsonaia bakoitzak bere ahotsa du eta bakoitzarengandik abiatuta mundu oso bat ireki daitekeela sumatzen du irakurleak, nobela edo istoriko-bilduma honetan mundu oso horren zati txiki bat baino erakusten ez zaigun arren. Astotan irlak izango bailiran aurkeztuta daude pertsonaiak, bakoitza bere bakardadean isolatua, eta ezinezkoa zaie larruazala zeharkatzea lortuko lukeen komunikazioa sortzea. Mosaiko bat osatzen dute beraz, edo liburuan erabiltzen den hitzarekin esateko, puzzle bat, trenean abiapuntua eta trenean amairea duen istorio sarea. Izan ere, pertsonaia guztiak hirian aurkitzen badira ere, badirudi inor ez dela bertakoa, denak arrotz direla bere munduan. Merezimendu handiko testua dugu liburu hau, idaztea berezko duen idazle baten eskutik sortua.