susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Buckowski eta Maiakovski | Tene lehiaketa »

Erotika / Maria Markotegi (Jose Luis Erdozia) / Egilearen edizioa, 2001

Erotika Castillo Suarez / Guaixe!, 2001-12

Agian literatur kritikagile bezala ezagunagoa dugu Maria Markotegi idazlea baino. Liburu hau ere, ia oharkabean pasatu zaigu, egileak berak eginiko argitalpena baita, zirkuitu-komertzialetik kanpo. Poesiak zabalkunde gutxi badu, are gutxiago era honetako argitalpenak.

Amets gisa definitzen du Markotegik liburua, bederatzi urtetan luzatzen den ametsa. Hala, laztanez beteriko ametsa da, beroa, likatsua. Ez da, hortaz, amets bukolikoa.

Batasun handikoa da Erotika, ia monotematikoa izan arte. Hitz gartsueek zein ñabardurek erotismoa adierazten dute, errukirik gabe.

Desirak gailentzen dira nabarmen Mariaren hitzetan, baina amildegi sentsazioa uzten digute. Amildegi zorrotz eta ustegabekoa.