« Filme laburren bilduma etxean ikusteko modua | Cristaubaren icasbidea edo Doctrina Cristiania »

Biziaren altzotik... 80 kantuen bilduma / Manex Pagola / Baionako Euskal Erakustokiaren Adiskideak, 1987

Biziaren altzotik Dabid Zuazalde / Argia, 1988-04-17

Azken aldian ez zaigu plazara maizegi agertu, baina Manex Pagola hainbat eta hainbat kantatu izan ditugun eta oraindik ere kantatzen ditugun hamaika abestiren egile dugu. Ezagunak asko Hegoaldean eta askoz gehiago Iparraldean.

Liburu honetan 80 kanturen hitzak bildu dira; eta ba omen ditu gehiago ere. Kantuak sailka bildu ditu: abertzaleak, amodiozkoak, haur kantuak, herri artekoak, umorezkoak, oroitzapenezkoak, sozialak eta zirikariak. Denetarik bada beraz, eta bakoitzaren sortzeaz hitz batzuk.

Kantuez gain, bada Manexen biografia laburra, eskeintza luzea, aintzin solasa eta liburu hondarrean Xipri Arbelbiderekin egin solas luzea, non kantugintzaz mintzatzen den gehienbat, bai eta politikaz ere zertxobait.

Liburu honi dokumentu balio handia eransten dio argazki multzo handi batekin agertzeak. Hutsune bakar bat kausitu dugu guk: noizko hitzekin batera, kantu bakoitzaren doinua?