susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Egutegi esperimentala | Sei ipuin amodiozko »

Nahi gabe / Jean Luis Davant / Caja de Ahorros Municipal de Pamplona, 1985

Nahi gabe Iñaki Camino / Argia, 1986-06-01

Jean Luis Davantek aurten kaleratzen duen bigarren poema liburua da “Nahi gabe” izeneko hau. Dena den, duela lau urte idatzi eta oraintsu Maiatz argitaletxean argitara den “Itsasoak iraultzan” poema liburua baino arinagoa iruditu zaigu gaurkoa. Ezin ahantz gainera liburu honek duela 2 urteko Xalbador saria jaso zuenik.

Gaurkoan gaiak askotarikoak dira, natura, arbolak eta kristautasunetik hasita, bigarren eta hirugarren ataleko gai anitzetara artekoak. Guri, egia esan, azken ataletako poemak gustatu zaizkigu gehien bat. Hauetan, bizitzaren eta gaurko munduaren gaitzak, urgulua, handinahia edo heriotzearen ezinbestekotasuna, gure larunbat gauaren luzea. Bestetan baratzean jostatu nahi da maitearekin larru gorritan, maitasunen arratsak dakarren nostalgia sufrituko du, Kronosen erasoa pairatuko du, biziaren kontzepzioaz mintzatuko zaigu.

Poesi ugari biltzen ditu liburuak, gizakiaren kezka betierekoei loturik denak, gehien bat erriman emanak.