« Koxme don’t fail | Marinel korapiloak »

Babiloniara itzultzea / F. Scott Fitzgerald (Javi Cillero) / Erein, 1996

Berriro Parisen Javier Rojo / El Correo, 1996-10-03

Charlie Wales (S. Fitzgerald-en pausuei jarraituz ia-ia) Parisera bueltatu da, bizitzan galdu zuena berreskuratzeko asmoarekin. 30.eko hamarkadan gaude, eta pertsonaiak urte zoroetan gailurra ezagutu ondoren, hondoa jo zuen krisialdi handian. Porrot ekonomiko eta pertsonalean murgildu zen, alkoholarekin nahasita. Porrot honen ondoren eta ondorioz pertsonaiak helduago sentitzen du bere burua, bizitza berreraikitzeko prest. Paris aldean giroa ez da berak ezagutu zuena. Amerikar aberatsak (edo aberats itxurakoak) gutxi dira hango hoteletan. Baina mamu batzuk izango balira bezala, aurreko garaietako lagun batzuk agertuko zaizkio gure pertsonaiari, eta Charlie Wales-ek hurrengo baterako atzeratu beharko ditu bere asmoak. Obra txikia, malenkoniaz beterikoa da S. Fitzgerald-en hau, Gatsby handia-n agertzen zen bizitzaren beste alderdia erakusten duena. Irakurleari ezinezkoa zaio pertsonaia hori ez maitatzea, pertsonaiarekin ez identifikatzea, lehen momentutik ahalegin horiek alferrikakoak izango direlako susmoak baitauzka. Izan ere, erruak ordaindu egin behar dira, eta bizitzak erakusten duen bezala, ez behin bakarrik. Eta horixe da Charlie Wales-en trajedia txikia: ezin dio bere historiari ihes egin.