susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Teilatuko lizarra, iparra | Exilioaz »

Ecce homo / Laura Mintegi / Txalaparta, 2006

Gizonak eta emakumeak Javier Rojo / El Correo, 2006-06-28

“Ecce homo” du izena Laura Mintegiren azken nobelak, Friedrich Nietzscheren harako lan horrek bezala. Gizon eta emakumeen arteko harremanen azalpena ematen du liburuak hasiera batean, egoera berberaren aurrean bakoitzaren jarrera eta ikuspuntu desberdinak argitzen saiatzen baita. Eta hori da azpimarratu nahi dena: ikuspuntuak desberdinak direla, jarrerak desberdinak direla, gizonek eta emakumeek funtsean era desberdinean ulertzen eta sentitzen dutela errealitatea. Istorioaren abiapuntua Josek Begori egiten dion proposamena da: elkarrekin bizitzeko esan dio. Aspaldiko adiskideak dira, eta bakoitzak ibilbide luzea izan du harreman afektiboei dagokienez. Bestaldetik, politikaren alorrean elkarrengandik urrundu badira ere, adiskidetasunak hor dirau. Eta hemen dago nobelaren bigarren gai nagusia: Gizonen eta emakumeen jarrera desberdinak aurrez aurre jartzen diren bezala, aurrez aurre jartzen dira pertsonen arteko harremanak eta politika-jarduera ere. Ez dakit tesi nobela baten aurrean gauden, baina iruditu zait idazleak nobela baino lehenagoko eskema ideologiko bati nobelaren forma eman nahi izan diola, ideia horiek fikziozko pertsonaia batzuengan gauzatuta.