susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Zergatik ez nauk maite? | Izena jarri »

Griot / Jon Arretxe / Elkar, 2004

Griot Maider Sukunza / Luma berrien eleak, 2005-05

Griot: Artisten kasta. Kantari, dantzari, musikari, hizlari eta antzeko zeregina izaten duten partaideak. Hau da Jon Arretxeren azken liburuari izenburua ematen dion hitza. Afrika beltzera, Burkina Fasora hain zuzen, egin du Jon Arretxek azkeneko bidaia, honen berri ematen digu Cristina Femandezen irudiez lagundutako bidaia-kronika liburu honetan.

Irakurtzen hasi eta utzi ezin duzun liburu horietakoa da, herriz herri eta lagun ezberdinen bizimodua, izatea, sentimenduan abiapuntutzat hartuta irekitzen du Arretxek gure begietara Burkina Faso. Herrialde baten bizimoduaren kronika, ezer gutxi izan arren irribarrea aurpegitik kentzen ez duten hainbat lagun ezagutzeko aukera ematen digu. Herrialde ez garatu eta garatuen arteko zubia islatzen da liburuan, afrikatutako europar baten bidez besteak beste. Haien bizi-poza, lasaitasuna, aberastasuna helarazten digute Burkina Fasoko lagunek, liburua irakurtzen dugun bitartean behintzat, gure izatea xamurragoa bihurtuz.

Ez dugu liburuan bidaiaren xehetasun handirik aurkituko, xehetasunak bere bidera ateratzen diren pertsonengan aurkituko ditugu, Aisha, Cisse, Sadou, Yasia, Axel, Tugandarrak…, hauek dira Afrika beltzaren ikuspegi gizatiar hori erakusteaz arduratuko direnak.

Burkina Faso ezagutzeko modu ezberdin eta atsegina, azken finean.