kritiken hemeroteka

7.871 kritika

Azken kritikak

« | »

Auzoak / Urtzi Urrutikoetxea / Susa-EEF, 2005

Aniztasuna Felipe Juaristi / El Diario Vasco, 2005-07-15

Jende asko bizi da gurekin; jende askorekin topo egiten dugu egunero. Askotan esaten diot neure buruari, denok elkarrekin bizi garen arren, espazio berean, oso gutxi dakigula batzuok besteoz. Ondotik igarotzen gara, edo igarotzen zaizkigu, eta elkarri konpromisozko diosalaz egiteaz gain, oso gutxitan gelditzen gara haiekin hizketan. Ez dakigu haien historiarik, ezezagunak haien bizitzak, haien pentsamenduak, haien ilusioak.

Urtzi Urrutikoetxeak auzoko jendea hartu du gaitzat. Batzuk aspaldi eta besteak ez hain aspaldi hirira etorritako gizon-emakumeak. Eta saiatu da behintzat haien historia kontatzen, haien ilusio eta esperantzak, haien desilusio eta etsipenak gurera ekartzen. Ideia, ezin uka, erakargarria da, gure ondoan bizi diren horien guztien barnean sartu eta haiei gertatzen zaiena idatzi. Ez dira historiak luzeak; batzuk narrazio oso laburrak, ia mikroskopikoak. Ez dute zerikusi handirik historia batzuk besteekin, espazio bera konpartitzeaz gain. Idazlea da, fikzioaren bidez, denak lotu dituena; sakabanatuta zeuden elementuak batu egin ditu liburuaren espazioan, literaturaren alorrean.

Beraz, arrazoi berdintsuak daude liburua nobelatzat hartzeko eta ez hartzeko. Teknika aldetik, uste dut, gehiago duela nobelarena, ipuin bildumarena baino, alegia hasieran ipuin bilduma izan zitekeena edo izango zena nobela bilakatu da, orriak idazteaz batera. Baina era berean ez deritzot oso garrantzitsua terminologia-eztabaidatan hasteari. Nahi duenak irakur beza.

Historiak dira, hor-hemen dabilen jendearena. Horregatik liburuko aniztasun hori, pertsonaietan bederan. Beste kontua da tonua, beti bat, pathosetik gertuago pozetik baino, ikuspegia, historiatik historiara aldatzen ez dena, estiloa, oraindik finkatu gabea. Baina Urtzi Urrutikoetxearen lehen nobela izateko, oso duina delakoan nago.

Azken kritikak

Mamu eratortzeko moduak
Juanjo Olasagarre

Asier Urkiza

Udaberria sutan
Joxemari Iturralde

Nagore Fernandez

Ez dakit zertaz ari zaren
Ana Malagon

Paloma Rodriguez-Miñambres

Nikole bijotzekua
Edorta Jimenez

Mikel Asurmendi

Bihurguneko nasa
Uxue Apaolaza

Irati Majuelo

Euri zitalari esker
Itxaro Borda

Amaia Alvarez Uria

Itzultzeko etorri naiz
Felipe Juaristi

Hasier Rekondo

Ogia eta zirkua
Irati Jimenez

Paloma Rodriguez-Miñambres

Totelak
Fermin Etxegoien

Asier Urkiza

Haragi hosto
Juan Ramon Makuso

Paloma Rodriguez-Miñambres

Ez dakit zertaz ari zaren
Ana Malagon

Txema Arinas

Bihotza negar eta irri
Maryse Conde

Irati Majuelo

Sortaldekoak
Hedoi Etxarte

Igor Estankona

Itzultzeko etorri naiz
Felipe Juaristi

Jose Luis Padron

Artxiboa

Azaroa 2021

Urria 2021

Iraila 2021

Abuztua 2021

Uztaila 2021

Ekaina 2021

Maiatza 2021

Apirila 2021

Martxoa 2021

Otsaila 2021

Urtarrila 2021

Abendua 2020

Hedabideak