susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Biolinaren jatorria | Itzalak »

Ipuin izugarriak / Askoren artean / Elkar, 2004

Antologia bat Javier Rojo / El Correo, 2004-11-17

Xabier Mendigurenek 90ko hamarkadako euskal ipuinen antologia prestatu du “Ipuin izugarriak” izenburuko liburu honetan. Zazpi idazle hautatu ditu, ipuin banarekin agertzen zaizkigunak: Begoña Bilbao, Zorion Zamakola, Txiliku, Luis Fernández, Ana Isabel Morales, Julen Gabiria eta Harkaitz Cano. Ipuinak aukeratzeko orduan badirudi irizpiderik nagusiena belaunaldi desberdinetako idazleen lanak eta ipuin mota desberdinak eskaintzea izan duela argitaratzaileak. Hau da, ipuingintzaren ikuspegi zabala eskaintzea. Hautatzailearen erabaki honek, jakina, bere iruntzia dauka: ikuspegi zabala eskaintzen den neurrian, ipuinen kalitatea eta interesa ezin izan daitezke maila berberekoak. Txiste moduko ipuin baten ondoan (Cano), abiapuntu interesgarria duen istorio bihurria (Fernández) ikus dezakegu, azken honetan bukaeran dena azaldu nahiak ipuinaren tonua hausten badu ere. Ipuin tradizionalaren ildotik doazen istorioetatik (Bilbao) hiri-legendetara (Gabiria) pasa gaitezke. Gauza bat, ordea, argi geltitzen da liburu hau irakurtzean: belaunaldien artean aide nabarmena dago, literatur planteamenduetan, gaietan eta idazkearen ere, idazle gazteenekin ia-ia tradizioarekiko apurketa bat gertatu dela esan baitaiteke.