« Bizitzak ez dik zentzurik, norberak ematen diona besterik | Azken kontakizuna »
Arrakasta / Jasone Osoro / Elkar, 2023
Arrakastarekin bueltaka Paloma Rodriguez-Miñambres / El Diario Vasco, 2024-01-20
2023 urte bukaerako liburu berrien artean Jasone Osorok arrakastaren gaian jarri du arreta, saiakera arloan estreinako aldiz. Hartara, 11 gizon-emakume elkarrizketatu ditu euskal kulturako ordezkari gisa: Jon Garaño, Itziar Ituño, Izaro, Gorka Urbizu, Maider Egues, Harkaitz Cano, Eneko Atxa, Markel Irizar, Aizpea Goenaga, Eva Domingo eta Joxemari Agirretxe “Porrotx”. Zerrenda esanguratsua suertatzen da artearen esparru desberdinetakoek parte hartu baitute. Osoro haien erantzunak eta bere hausnarketak bilbatzen doa arian-arian arrakastaren mamia argitu nahian.
Sarrera laburrean gako nagusiak agertzen zaizkigu; batetik, definizio “kanonikoa” ematen eta galdera-sorta ezartzen du hizpidea abiatzeko, ametsak-helburuak-zoriontasuna kontzeptuen ildotik antzinako greziarren eta gizaki modernoaren kezkak elkartuz. Bestetik, elkarrizketatuen biografiez gain, 8 atalek (Haurtzaroa, Izaera, Aliantzak, Kritikak, Sabaiak, Sormena, Porrota eta Arrakasta) lagungarriak eskaintzen dituzte kontzeptuaren polisemia —eta bide batez, izaera poliedrikoa— konprenitzeko.
Liburuak kontu interesgarriak planteatzen ditu eta badira maiz errepikatzen diren ideiak, esaterako, ausardia, malgutasuna eta oztopoak gainditzea, solaskideen ustetan, arrakastaren muinean baitaude. Gaian jardun ahala, bestelako alderdiak arakatzen dira, hala nola, gertukoen sostengua, ikuspegi feminista, bokazioa eta kanpoko begiradaren eragina.
Ez dago sekreturik edo ezer magikorik arrakasta lortzeko. Hots, ez da zenbatetan eskuratzen den haren ifrentzuan porrota azalera baitaiteke —biak ala biak ezinbesteko osagaiak bizi eskarmentuan—, baizik eta urratsak aurrera ematea beldur barik, bidezidorrak irekiz, nahiz eta jakin ahaleginak ez duela beti saririk izango.
Poesia kaiera
Giorgos Seferis
Irati Majuelo
Altxa, hildakoak
Fred Vargas
Joxe Aldasoro
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos