kritiken hemeroteka

7.678 kritika

Azken kritikak

« | »

Irakurri / Askoren artean / Meettok, 2008

Irakurri Jon Kortazar / El País, 2008-06-16

Meettok argitaletxe jaio berriak hamaika idazleren testuak bilduz Irakurri liburua eman du argitara, gai horri buruzko idazlanak bilduz. Ez da lehen aldia gure artean gai baten inguruko bildumak ematen direna argitara. José Francisco Ruiz Casanovaren iritziari kasu egiten badiogu, era bitakoak dira antologiak: ikuspegi historiko orokorra eman nahi dutenak, eta antologia programatikoak, literatura talde edo molde nagusi baten alde egin nahi dutenak.

Egile desberdinak bilduz osatzen diren liburu hauek ez dira, zuzen hitz eginda, antologiak. Askotan editorearen ideia bati jarraiki eta plan oso bat eraikiz osaturiko lanak dira. Baina gure artean argitaratu direnetan badira antologien tipologia horri erantzuten diotenak. 2000. urtean argitaratu zen emakume idazleen Gutiziak hark bazuen joera programatiko argia.

Erein argitaletxeak ere, 1990. urtearen bueltan, Taberna zulokoak deituriko lana argitaratu zuen Alarigar Jualermu akronimoaren pean, agian joera programatikoa ere agertu zuen liburua.

Joera historikoa edo joera orokorra zuten Alberdania etxeak argitaraturiko Bakarrizketan liburuek eta Gorroto haut (2002) gaiaren inguruko bildumak.

Irakurri liburuak gaiaren inguruko bilketa eskaintzen du. Eta genero literarioak oso desberdinak dira, horregatik eramaten du daraman azpititulua: Hamaika idazki literario irakurtzeari buruz, hain zuzen ere generoen desberdintasuna aipatuz. Hemen saiakera akademikoak (Mariasun Landa), saiakera literarioak, alfabetoak (Harkaitz Cano), poemak (Angel Erro), kontakizun biografikoak (Pako Aristi), eta ipuinak aurkituko ditu irakurleak, beti ere irakurtzea idazlearen lehen obligazioa dela esaten duen esaeraren poderioz.

Honelako bildumek badute beste abantaila bat eta garaiko idazleen argazkia ematen dutenez irakurleak tendentzia berriak ezagutzeko aukera du. Horrela Uxue Apaolazak eman dio hasiera bildumari, orden alfabetikoaren agindupean eta Iban Zalduak bukatu. Artean hamaika bide irakurtzearen zentzuan galtzeko.

Azken kritikak

Suak pizten direnean
Mikel Soto

Aitor Francos

Dendaostekoak
Uxue Alberdi

Usoa Alberdi

"C'est la vie" kantatzen dute zaharrek
Karlos Zabala

Nagore Fernandez

Aireportuko musika
Luis Garde

Aiora Sampedro

Dendaostekoak
Uxue Alberdi

Ainhoa Aldazabal Gallastegui

Zoriontsuak izatea aukeratu genuen
Mikel Ayllon

Javier Rojo

Dumitru biluzik
Koldo Izagirre

Asun Agiriano

Kontu pribatu bat
Beppe Fenoglio

Irati Majuelo

Poesia kaiera
Raymond Carver

Hasier Rekondo

Poesia kaiera
Raymond Carver

Javier Rojo

Ur biren artean
Patxi Iturregi

Mikel Asurmendi

Dendaostekoak
Uxue Alberdi

Hasier Rekondo

Kafe tristearen balada
Carson McCullers

Aiora Sampedro

Izotzetan islatuak
Askoren artean

Nagore Fernandez

Artxiboa

Abendua 2020

Azaroa 2020

Urria 2020

Iraila 2020

Abuztua 2020

Uztaila 2020

Ekaina 2020

Maiatza 2020

Apirila 2020

Martxoa 2020

Otsaila 2020

Urtarrila 2020

Hedabideak