susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« New York, New York | Zenbait liburu eta aburu (I) »

110. Street-eko geltokia / Iñaki Zabaleta Urkiola / Elkar, 1988

110. Street-eko geltokia Dabid Zuazalde / Argia, 1988-12-25

Liburu hau da, bere aurreko hiru edizioen bidez, Susa argitaletxeak bere historian izan duen jende arteko arrakasta handiena. Laugarren edizioa egiterakoan egileak nahiago izan du argitaletxez aldatzea eta oraingoan Elkarren eskutik atera du, bere azpisail beltzean.

Historia bada beltz xamarra. Baina bada arroxa ere. Agian, liburuaren arrakastaren arrazoia nahasketa hori izan daiteke. New Yorken bizi den euskaldun baten arazoak kontatzen zizkigun batetik: Estatu espainolaren ihesi zebilenez ez du paperik eta lantokiko nagusi atsoak aprobetxatu egin nahiko du, Joseba droga trafikoan sartu eta beste “zerbitzu” batzu ere lortzeko. Bestetik Angie, publizitatean lan egiten duen neska xarmangarria. Bi hauen bizitza paraleloak 110. Streeteko afitxa batek elkartuko ditu, modu aski bitxi batez.

Susako edizioak zekartzan errakuntzak konponduta datorkigu nobela ezagun honen argitalpen berri bat.