susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Absurdoaren eta bizitzaren arteko diferentzia | Zertaz ari gara Europaz hitz egitean? »

Koilara bete hitz / Josetxo Azkona / Alberdania, 2001

Janariaren poema Javier Rojo / El Correo, 2001-09-12

Euskal poesiaren esparruan arlo berri bat lantzera dator Josetxo Azkonaren liburu hau, “Koilara bete hitz” izena duena. Eta izenak iradoki dezakeen bezala, liburu honetan agertzen diren poemek erreferentzia zehatz bat dute: janaria eta honekin zerikusia duten kontuak. Izan ere, gizakia, besteak beste, jaten eta edaten duena dela pentsatzen bide du idazleak. Euskaldunon kasuan, bestaldetik, sukaldaritzarena mito nazionaltzat har daiteke, zeren, gustatu ala ez, euskaldun gehienak batzen gaituena ez baita lurraldetasuna edota hizkuntza, lapikoa baizik. Horregatik harrigarria da oso, sukaldaritzak hain toki txikia izatea euskal literaturan. Jan-edanen gaia hiru mailatan ikus dezakegu liburu honetan. Poema batzuek janaria dute hizpide eta gai nagusi, eta horri buruz aritzen dira. Baina janariaren metaforizazio prozesuan, sinbolizaziorako bidean, sakontzen da, janaria bera, bizitzaren alderdi bat izateaz gain, bestelako alderdiak ezagutzeko sinboloa ere izan daitekeelako. Hirugarren mailan, janariaren balio kulturizatzailea dugu, gizateria den bezalakoa baita janariari esker ere. Liburu berezia, desberdina, interesgarria, beraz; baina zurruntasun punttu bat ere badu, janariari buruzko aipamenak nahitaez egin beharretik sortua.