susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« “Urtero da aurten” Anjel Lertxundiren urteroko liburuaz | Bi funtzionari-ipuingileen lanak aztergai (I) »

Ipuin ezberdinak eta erregalokoak / Hasier Etxeberria / Elkar, 1984

Ipuin ezberdinak eta erregalokoak Iñaki Camino / Argia, 1985-01-27

Hainbat ipuin biltzen du liburuak. “Orio busti zenekoa” izenekoa, bertako arrantzale batek biraoa boteagatik datorren eurite latza kontatzen diguna da. “Pim Pim eta kapricho” deritzana, puta eta matoi baten istorioa da, emakumeak bere lagunaren aintzinako maitalea hilgo du poliziaren hatzaparretan eroriz. Bada beste ipuina “Jean Phocas Manit-en laudorioz”, bertan milaka orrialdeko historiako lana idatzi eta argitaratu ezin izan zuen euskaldun baten pasadizua kondatzen zaigu. “Lehen kulunkak” itsasora arrantzura aurren aldiz doan txotxoarena da, egun guztia botalarriz pasatzen du itsasontzian hotzak, barkuan aurkitu uste zuen helduzaroa behar baino beranduago eta malkoen ondoren datorrela konturatuko da gero gaztetxoa. “Berandu zetorren epela” alabekin oheratzen den gizonarena dugu, nekazari honek gaitzetsi eginen ditu zortzi alaba, berekin oheratzea edota sexujolasak egitea utzi dioten zortzi hauek ez dute parterik izanen baserriaren jabetzan. Azken ipuinean gerlan hildako abertzale bati buruzko narrazio motza dugu, “Aista gerlaria” deritzana. Badira tartean beste narrazio motz errepikatuak. Liburuaren hasieran egileak ipuin liburu hau nori eta zeri esker argitaratu ahal izan duen diosku.