kritiken hemeroteka

7.044 kritika

Azken kritikak

« | »

Bizkarrean tatuaturiko mapak / Harkaitz Cano / Elkarlanean, 1998

Cano bidaiak Jose Jabier Fernandez / Euskaldunon Egunkaria, 1998-06-20

Bidaiatzeko era asko daude. Agian, bidaiatzeko erak gizaki motak adina daude. Hala ere, bidaiatzeko orduan, gizakiak bilakaera bat jasan duen bezala, bidaiatzeko erak ere asko aldatu dira. Orain orokorrean da bidaiatzen, turismoa baizik ez da egiten. Horregatik, Bidaia agentzia hitzek ez naute konbentzitzen. Ni behintzat, hauetako bulego batean sartu naizenean, ez didate bidaiarik eskaini, turismoa egiteko aukerak baizik. Ondorioz, bulego hauen errotuluetan bidaia hitzaren ordez turismo hitzak azaldu behar luke: Turismo agentzia.

Bai, badakit errua nirea dela. Hots, bidaia eta agentzia hitzak antonimoak direla eta ez nukeela bizitzatik horrelako gauzak eskatzen joan behar. Baina inoiz ez dut itxaropenik galdu eta azkenean nire eskaerak entzunak izan dira. Lerro hauen bitartez aditzera eman behar baitizuet azkenean Bidaia agentzia bat ireki dela: Cano Bidaiak. Bai, bai, hemen Euskal Herrian eta, gainera, euskaraz jaramon egiten dizute.

Nolakoa da bere eskaintza? Beno, nahikoa bitxia. Bidaiatzeko beste kontzeptu bat da, modernoa gainera, oso hiritarra. Bere katalogoan hiriak soilik azaltzen dira, 49 hiri hain zuzen. Hiri hauek, ordea, mundu guztian hedatuak daude: Kairotik Amsterdamera, Erromatik Hong Kongera, New Yorketik Zantzibarrera, Reykjaviktik Rio de Janeirora. Ikusten duzuen bezala; eskaintza zabala da. Mota eta kolore guztietako hiriak daude gainera: lehen mundukoak, hirugarrenekoak, beroak, hotzak, aberatsak, pobreak…

Nola funtzionatzen duen agentzia honek? Modu errazean. Bulegora joaten zara eta lehenik hiria aukeratu behar duzu. Gero, bizkarra biluzten duzu eta aukeratutako hiriaren mapa bizkarrean tatuatzen dizute. Lasai egon, oraingo tatuajeak ez dira lehengoak bezalakoak, orain ez dute minik egiten eta nahikoa azkar egiten dituzte. Baina hemen ez da bukatzen guztia. Bizkarrean mapa tatuatzen dizuten bitartean, bulegoko langileek hiriaren inguruan belarrira kontakizun bat xuxurlatzen dizute. Helburua zera da, aukeratutako hiri horren inguruan zure adimena eta irudimena prestatzen joatea, gero zuk zure bidaia egin dezazun. Horrela soilik izango baitzara gerora bizkarrean daramazun mapa hori ulertzeko gai.

Nolako emaitzak eskaintzen ditu agentziak? Oso onak. Nik, honezkero 49 hiriak bisitatu ditut, eta orokorrean bidaia politak izan dira. Hiri batzuetan besteetan baino hobekiago pasa dut, baina guztietan zerbait berria ikasi dudala ere esan behar dut. Eta azken finean hori da bidaia batek eskaini behar dizuna: lekuetaz gozatzeko parada, ezagutzen ez duzun zerbait ikusteko aukera eta, batez ere, adimena eta irudimena garatzeko aukera. Eta Cano Bidaiak bulegoak hori guztia eskaintzen dizu.

Non dago bidaia agentzia hau? Ez du bulego finkorik, ez duzu gure hirietan aurkituko. Hala ere, gure artean dagoela egia da. Baina bidaiak berak kutsu magikoa duen bezala, bidaia agentzia hau ere ezin dugu egunerokotasunaren errealitatearekin ulertu. Bidaia agentzia hau aurkitzeko kanpoan baino gehiago gure barnean begiratu behar dugu. Zaila da, gure gaurkotasunak ez baitu horretara asko laguntzen, baina posible da, saiatu baino ez da egin behar.

Nola saiatu, ordea? Kontatu didate Elkarlanean argitaletxeak bidaia agentzia honetan belarrira xuxurlatzen dituzten hirien inguruko kontakizunak kaleratu dituela liburu batean bilduta. Ez dakidana, liburu honen azalean azaltzen den egileak, Harkaitz Canok, zer ikusirik izango duen Cano Bidaiak agentziarekin. Agian bai, idazlearen abizena eta agentziaren izena berdinak baitira, baina beharbada kasualitate hutsa besterik ez da. Baina beno, hori gutxienekoa da, bizitza, bidaiak eta irudimena bera ere kasualitateaz hornitzen baitira.

Azken kritikak

Erreka haizea
Sonia González

Aiora Sampedro

Bakartasunaz bi hitz
Filipe Bidart

Aritz Galarraga

Pelegrinak
J.E. Urrutia Capeau

Hasier Rekondo

Errukiaren saria
Iñaki Irazu

Alex Uriarte Atxikallende

Mendi-joak
Aingeru Epaltza

Estibalitz Ezkerra

Zauri Bolodia
Oier Guillan

Mikel Asurmendi

Zuloa
Xabier Gantzarain

Peru Iparragirre

Mendi-joak
Aingeru Epaltza

Ibon Egaña

Ahotsak eta itzalak
Maixa Zugasti

Javier Rojo

Gerra txikia
Lander Garro

Roberto Moso

Girgileri Anderea
Maialen Hegi-Luku

Amaia Alvarez Uria

Etsaiak, lagunak, ezkongaiak, maitaleak, senar-emazteak
Alice Munro

Joannes Jauregi

Epailea eta haren borreroa
Friedrich Dürrenmatt

Aiora Sampedro

Bioklik
Asel Luzarraga

Iratxe Esparza

Artxiboa

Ekaina 2018

Maiatza 2018

Apirila 2018

Martxoa 2018

Otsaila 2018

Urtarrila 2018

Abendua 2017

Azaroa 2017

Urria 2017

Iraila 2017

Abuztua 2017

Uztaila 2017

Hedabideak