« Poesiaren lurrean barrena | Oso gertu eta oso urrun »

Urruzuno literatur lehiaketa. 1994 / Askoren artean / Eusko Jaurlaritza, 1994

Urtero-urtero ondo Agustin Aranzabal / Euskaldunon Egunkaria, 1994-10-02

Urtero-urtero bezala, hemen dugu aurten ere Urruzuno literatur lehiaketaren uzta. Urtero-urtero bezala, idazle gazte askoren ilusioa bete da: beren lanak liburu batean argitaraturik ikustea (sari gisa eskuratu duten bidaia egiteaz gain, noski). Urtero-urtero bezala, lan txukunak izan dira ohore hori eskuratu dutenak (Juan Kruz Igerabide, Joxemari Iturralde, Anjel Lertxundi, Lurdes Otaegi eta Joxe Mari Satrustegik hautatuak, lan askoren artean egindako hautua). Urtero urtero bezala, aitzin solas interesgarri bat ezarri diote liburuari atarian, kasu honetan Anjel Lertxundik ipuin moduan egina (ipuin ederra, amaieran irakurle harritua pentsatzen uzteko dohainaren jabea).

Ez da, noski; lehen mailakonobedade literarioa, baina urtero-urteroko emaitza hau aintzakotzat hartzekoa dela iruditzen zait, eta urtero-urtero Urruzuno literatur lehiaketaren antolakuntza lanetan dabiltzanei eta parte hartzen duten guztiei zorionak emateko gogoa etortzen zait.