susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Ni laiko ere bai, ordea, sinesmenean hezi ninduten | 38 asteko etxealdia »

Alderantzira zamalka / Mckenzie Wark (Danele Sarriugarte) / Katakrak, 2026

Generoaren mugetan ibiltzeko liburu hibrido bat Aiora Sampedro / El Correo, 2026-05-29

Liburua, kritikak jada adierazi duen bezala, eguneroko baten, memorien liburu baten eta saiakera-liburu baten artekoa da. Izan ere, helduarotik abiatuta, bere sexu-genero harremana nolakoa izan den gogoratzen du. Nahiz eta data zehatzik ez gogoratu, bai gogoratzen ditu gertaera esanguratsuak, zati labur moduan kontatuak, beraz, egunerokora gerturatzen da. Eta saiakera izaera ere badu, Warkek aipatzen dituen erreferentzien kopurua handia delako, eta, gainera, beti balio dutelako jada iradokitzen ari den hori perspektiba zabalago batetik —batez ere ikuspegi teorikotik— osatzeko.

Genero artean, modu esplizituan eta metaforikoan, egiten du jauzi, bere genero-identitateari ere erreferentzia egiten baitio. Liburuan aztertzen du nola identitate lausotu hori garatzen joan zen, nerabezaroan, bere buruaz kontziente ere ez zenetik gaur egunera arte.

Eta horretan, Paul B. Preciado-k dioen bezala, sexua eta drogak ugari agertzen dira liburuan, eta, horrenbestez, hainbat sexualitate modu eta molde ere erakusten dira. Era berean, modu oso esplizituan geratzen dira agerian autoreak bere bizitzan zehar hauteman eta bizi izan dituen sexu-indarkeria ezberdinak: indarkeria sexual fisikotik hasi eta generoaren barruan ez egokitzearen inguruko bilaketaraino. Azken finean, sumatzen dena da gorputz ez-normatibo batek garai bateko gizartean zuen arriskuaren pertzepzio hori, eta nola iristen den gaur egunera arte.

Batetik, hizkera gordinarengatik, eta bestetik, autoreak bere bizipenetan erreferentziak eta irakurketak txertatzeko duen gaitasunarengatik; hainbat esaldi pentsamenduan geratzen zaizkit bueltaka, modu ia oniriko batean.