susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Ispiluak | Hiru poeta gaztek beren liburuak argitaratu dituzte Susa sailean (I) »

Likantropo / Xabier Montoia / Susa, 1985

Likantropo Iñaki Camino / Argia, 1985-03-24

Ez da urtebete baino askoz gehiago pasa Xabier Montoiak bere aurren liburua atera zuenetik eta bigarrena kalean dagoeneko. Orduan bezala, mundu poetiko diferente batean sartu gaitu, euskarak ohituak gauzkan horretatik bai behinipehin. Odola, semena, heriotzea, etsipena, kale bakartiak, herra, ustelkeria eta hainbat bider errepikatzen diren zentzu negatiboko hitzak ditu maiteen poeta honek. Ez da bestalde poesia zaila berea, interpretazioari leku gutxi uzten baitio, bide zuzenaz baliatzen da bere poesia mikatza guri testuen barneko sendimendu hotz eta gertaera lazgarriak aditzera emateko. Liburuaren atzen orrian dakarrenez, irudiz beteagoa da liburu hau aurrena baino, esan beharrekoa da ere poesia maila aski bajua geratzen dela maiz liburuaren barnean. Olerki luzeak dira langa gorenen uzten dutenak.

Arestian esan legez, ohizko euskal poesian ematen zaigun mundua utzi eta xamurtasunik gabeko mundu biluzi eta erreala ageri zaigu sendimenduen kontua dela ta, surrealismorik ere badago jakina.