susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« “E molto pericoloso” | Marx Althhousser-en arabera »

Notre-Dameko oihartzunak / Juan Kruz Igerabide / Elkar, 1984

Notre-Dameko oihartzunak Iñaki Camino / Argia, 1985-01-13

60 bat orrialde bete ditu Igerabidek bere olerkiekin. Olerki hauek badute gaiaren aldetik lotura, liburuan agerian gertatzen dena gainera. Ardatzak bat baino gehiago dira: Parisko artista dugu, Sena ondotik Notre Dame pintatzen ari dena; katedral honek duen errosetoiak tartalo dakarkio gogora, Errezilen burrukan aritu omen zena, eta berehala Errezila garamatza olerkariak. Bertako negarrak, Franco, emakumeen intziriak, herri honetako gizonen bortiztasuna eta apostu eta desapiorako grina. Errezilgo elizako kanpaien marruma Ernion gora, haizea, hatsa, neskatxaren txikordak, marruma, Iakue sainduaren ebanjelizazio bortxazkoa eta Larise eta Errezil elkarrekin lotzen dituzten hainbat gogai darabiltza egileak. Bertso antzean ere, gateatzen ditu zenbaitetan idazleak bere lerroak.

Liburu honekin Azkue saria jaso zuen Igerabidek iaz.

Gure eritzi apalerako, olerki sail hau aski pobrea gerta liteke, iruditeriaz txiro baitago, olerkiak soilak eta sakontasun handirik gabekoak dira, salbuespen bi edo hiru kenduta, indarrez urri daude, axalekoak.