susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« “E molto pericoloso” | Marx Althhousser-en arabera »

Ta Marbuta (Jerusalemen gertatua) / Xabier Kintana / Elkar, 1984

Ta Marbuta (Jerusalemen gertatua) Iñaki Camino / Argia, 1985-01-13

Nobela poliziakoa idatzi zuen Xabier Kintanak 84, urteko Café Iruña sarirako, eta irabazi aspalditik zuen proiektua paperean ezarri bait zuen, hasiera batean horretarako asmorik ez bait zuen.

Euskal etnologo ezagun bat Israela doa hango lurrak eta haitzuloak ikertu asmoz. Hango etnologoek laguntza handia eskeintzen diote eta bere kontu profesionala zuzen doa aitzinera. Taldekako txangoak antolatzen dituen turismo elkarteko gidaria oso gustokoa zaio euskaldun honi eta judutarrarekin ateratzen hasten da. Bestalde, bada Israelen maoista talde iraultzaile baten arrastoa, polizia erdi nahasirik uzten duena, diamante lapurketa eta esportazioa estaltzeko balio duena, hauek ditugu beraz ardatzak: lapurren hizketak, euskaldunaren diarioa, txango taldearen ibilera konbentzionalak eta polizien ihardunak.

Esan beharra ere, nobela atsegina gertatzen dela, eta behin irakurtzen hasiz gero, uztea zail gertatzen dela. Praile errusiar barrendari baten heriotza nahastekatzen da bertan.