susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Nazionalismo teorikoa | Turista erromantikoa »

Bertso kontuak / Joxe Mari Aranalde / Auspoa, 1999

Bertsolaritzen kronika Felipe Juaristi / El Diario Vasco, 2000-10-28

Ez da aurtengo liburua, garbi dago hori, iazko data baitakar baina min piska bat ematen zidan liburua zegokion apalean ahazteko zorian ez ezik, izan ere apalategia izan baitaiteke liburuaren kondena betlkoa, abandonatuta ere ikusteak Oroitzen naizenez, liburua gustura irakurri nuen bere garaian, gaur atal bat eta bihar bestea, liburuak irakurri behar diren bezala, presarik gabe ahal dela, eta ez nuke aipamenik egiteke utzi nahi.

Esan dezadan, beraz, hasteko, artikuluak direla liburuan bildutakoak. Aukeraketa egina dago, hala dirudi behintzat. Pentsatzekoa denez, bertsolaritzarekin zerikusirik haundiena dutenak jasoko zituzten liburura, baste batzuk bazterrean edo bidean, hurrengo baterako agian, utziz. Izenburua ere Bertso kontuak denez, ez dago aitzakiarik besterik pentsatzeko. Artikuluak 1986, 1987, 1988, 1989 eta 1990ean idatzitakoak dira Deia egunkarian.

Ni bertso kontuan ezjakin hutsa naiz; halakoak gurean aitortzea zilegi bada, barkatuko didatelakoan nago.

Oraindik areago, bertsozale banaiz ere, halamoduzkoa eta bertan beherakoa, etxean eta bakardaderik bakarrenean aritzen dena, hala neuk aukeratzen baititut nahi

ditudanak eta haiekin poz piska bat ekartzen neure barnera, ez dut bertsogintzarako ez begirik ez belarririk.

Ez dut esango arrotza zaidanik, baina ia. Hala ere aitortu behar dut Joxe Mari Aranalderen zenbait artikulu irakurrita, interesatu egin zaidala gaia.

Artikuluak, egunari lotuta daude, horregatik batzuek galdua dute dagoeneko idatzi zuen uneko beharra, eta distantziaz ikusirik begte zerbait dira; bertsolaritzaren kronika polit bat.