susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Poesiaz jositako polaroid mikatzak | Elbarritu emozionalak gara »

Rossetti-ren obsesioa / Ramon Saizarbitoria / Erein, 2001

Idazlearen mixeriak Javier Rojo / El Correo, 2001-05-09

Agertu berria da Ramon Saizarbitoriaren “Rossetti-ren obsesioa” izeneko liburua, iaz argitaratu zen “Gorde nazazu lurpean” bilduma arrakastatsutik ateratako eleberria. Beraz, istorioa ezaguna gertatuko zaio idazle honen ibilbidea jarraitzen duen euskal irakurleari. Liburu honetan Saizarbitoria sarkastikoaren adibide bat agertzen zaigu. Protagonista, gogora dezagun, idazlea omen da; eleberriren bat idazti omen du euskaraz, baina, batez ere, enkarguzko liburuak egiten ditu erderaz. Pertsonaia hau, behin idatzi zuen testu labur bat, itxuraz inolako garrantzirik ez duena, berreskuratzeko edozein gauza egiteko prest dago, testu horrekin arrakasta ziztrin bat lortzea espero baitu. Baina, hauxe paradoxa, testua berreskuratzearren egiteko dagoenak berak urrunduko du arrakasta hori lortzetik. Azaleko irakurketa batean eleberria pertsonaia mixerable honen mixerien kontakizun dibertigarri eta sarkastikotzat har dezakegu. Baina gehiago dago hemen. Pertsonaia honen jokaeran metafora bat ere ikus daiteke, istorioaren izenburuan agertzen den Rossetti artista bitxi horren jokaeran protagonistarekiko paralelismoa ikus daitekeen neurri berberean. Istorio honekin irakurleek aukera berria dute gure artean dagoen nobelagilerik interesgarriena ezagutzeko.