susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« “E molto pericoloso” | Marx Althhousser-en arabera »

Alkohola (poemak) / Askoren artean / Pamiela, 1984

Alkohola (poemak) Iñaki Camino / Argia, 1985-01-13

Andana omen dira alkoholaz edo alkoholaren eraginpean idazten dutenak. Andana dira baitaere liburu honetan ageri diren olerkiak. Alkohola da beren gaia.

Alkoholari buruz historian zehar hainbat eta hainbat idazlek idatzi dituzten olerkien bilduma egin dute Akademia Sekretukoek. Herrialde askotako idazleen olerkiak ditugu, jatorrizko hizkuntzaz emanak ezkerretako orrialdean, eta euskaraz eskuinetakoan. Badira txinarrak (Li Po), latinoak, frantsesak, inglesak, alemanak, italianoak, espainolak eta euskaldunak: Pavese, Kavafis, Omar Navarro, Cardarelli, Aguirre Gandarias, Elexpuru, Villon, Sarrionandia, Juaristi eta abar luze bat.

Hala eta guztiz ere, olerki negargarri txarra eta aspergarriak direla esan beharra dago, ez baina, denak.