kritiken hemeroteka

6.995 kritika

Azken kritikak

« | »

Zorion perfektua / Anjel Lertxundi / Alberdania, 2002

Zorion perfektua J.A. / Ostiela!, 2003-12

Zoriona ferpektua izaten da bizitza errealean eta liburu honi ere, borobila izan arren, zori horrek segitzen diola uste dugu: askozez zabalduagoa, komentatuagoa, sona handiagokoa izateko modukoa bada ere (hasi eta akabo, erraz irakurtzen da), ba, ez du halako zerarik izan… Izan daiteke jorratzen duen gaiagatik: 16 urteko neska bat trafikante txiki bati egiten zaion atentatu baten lekukoa izan da. Erortzen ari den “trapitxeroaren” begietan iltzatzen ditu bereak neska horrexek eta urteak geroago atentatuaren ondorengo eguneko kronika egiten du…

Ez dela hain literarioa-edo, eta uko egin ote dion metaforari, irakurri uste izan dugu; baina, gure ustez, etengabe berritzen dihoa Lertxundiren idazkera, eta neurrirako trajea egin duelakoan gaude orain ere, urgentziazkoa beharbada, baina han eta hemen bitxi batzuk ere aurkitu daltezke, adib.: “hiltzailea kalean zegoen, legearekiko zorrak kitatuta. Eta nik hilik erortzen ikusi nuenak 14 urte luze zeramatzan ehortzirik, ‘azpian lur hotza, gainean harria’”, hor bada, esate baterako, omena gure literatur tradizioari… eta, besteak beste, orain dela gutxira arte euskaraz esaten ez ziren gauzak ere bai…

Artifizio asko erabili ez eta nahiko prosa “biluzia” badirudi ere, egileak hori bilatu egin duela iruditzen zaigu, nahita dirudiela “xinplea”, eta hori lortzea izaten dela zailena. Ez dugu uste gure egungo errealitatearen oihartzun deserosoa islatzen duen mundu sinboliko hori eraikitzerakoan etika estetikari gailendu zaionik, idazle honek estetika ere zaintzen duelakoan gaude; beste gauza bat da, batzu-batzuk gustukoa izanen ote duten estetika hori.

Idazleak etika jakin bat erreibindikatzen du eta alde horretatik egia da nobela morala dena. Norbaiti irakurri genion bere inguruko pertsonaiak, gurasoak, e.a. ez zeudela ongi eraikiak; protagonista, Perti irakaslea eta atentatu osteko kazetaritzako bekarioak ere “funtzionatzen” dute… Ondo: egilea ez da biktimaren edo hiltzailearen lekuan ipini, testigua asmatu eta haren ahoan jartzen ditu esan beharrekoak; objezio bat, ordea: 14 urte geroago gogoratuta diosku esan beharreko hori emakume helduago batek hizkera landuago batean, baina batzutan badirudi Anjelen ahotsa dela gehiago…

Indarkeriak gure gizartean eragin duen desintegrazio morala dela eta hilketa politikoen aurrean zenbaitek erakusten duten epelkeriaz ere badihardu eleberriak. Norbaitek idatzi du: “egilea gutaz ari da, kargu hartzen digu bonbardaketa mediatikoa alde honetatik bizi dugunoi, eta bere gogoetak ausartak eta aintzat hartzekoak dira, hain zuzen ere, alde beretik eta sentiberatasun handiz eginak daudelako”. Horrela, argazkilaria, kazetariak, periodiku manipulatzaile horretako nagusiak, e.a. ere nahiko malparaturik geratzen dira…

Liburu “polita”, gutako askok pentsatzen duguna-edo egoki islatu du, “ekidistantea” da (hori posible bada), ez batzuen ez beste batzuen alde ere… Gure ustez asmatu du eta mereziko luke oihartzun handiagoa gure artean eta gaztelerara itzultzea ere. Ikusi nahi duenak eta nahi ez duenak ere ikusi beza ez garela diotena… Bukatzeko, nork esan dezake honez gero gaurkotasuneko eta gai politikoarekin loturiko nobelarik idazten ez denik gurean?

Azken kritikak

Biennale
Beatriz Chivite

Igor Estankona

Demokraziaren pribatizazioa
Jule Goikoetxea

Peru Iparragirre

Azala erre
Danele Sarriugarte

Javier Rojo

6012
Karlos Linazasoro

Aiora Sampedro

Filiala
Sergei Dovlatov

Joannes Jauregi

Zaldi mamarroa
Ekaitz Goienetxea

Iratxe Esparza

Bihotz handiegia
Eider Rodriguez

Hasier Rekondo

Pelegrinak
J.E. Urrutia Capeau

Javier Rojo

Zaldi beltzak zeruan
Txomin Peillen

Peru Iparragirre

Tiroa kontzertuaren erdian
Belen Gopegui

Aritz Galarraga

Zaldi mamarroa
Ekaitz Goienetxea

Javier Rojo

Zauri Bolodia
Oier Guillan

Aiora Sampedro

Azala erre
Danele Sarriugarte

Joannes Jauregi

Jainkoen zigorra
Alberto Ladron Arana

Iratxe Esparza

Artxiboa

Apirila 2018

Martxoa 2018

Otsaila 2018

Urtarrila 2018

Abendua 2017

Azaroa 2017

Urria 2017

Iraila 2017

Abuztua 2017

Uztaila 2017

Ekaina 2017

Maiatza 2017

Hedabideak