kritiken hemeroteka

8.288 kritika

« | »

Elurra elurraren gainean / Castillo Suarez / Egilea editore, 2021

Elurra bidean Jose Luis Padron / Bilbao, 2022-03

Castillo Suarez (Altsasu, 1976) poetak benetakotasuna bilatzen du bere hitzen bidez. Oso harreman zintzoa du poesiarekin. Hori da, hain zuzen, bilatzen duena: zintzotasuna.

Abandonuari buruzko liburu bat da, hala aitortu zuen Suarezek Irautera (Elkar, 2019) izeneko poema liburuari buruz, orain arteko azkena zuenaz ari zen, abandonuari buruzko liburu bat da, haustura sentimental bati buruzkoa baino gehiago. Eta hala eginda dago poema liburua, abandonatua izan denaren ikuspegitik, bizirik irauteko hartzen diren hautu kontziente eta inkontzienteei buruzkoa. Eta Castillo Suarez poetari Berri Txarrak musika taldea etortzen zitzaion akordura: “Bizi ala iraun, bizi ala iraun, biziraun zu barik”. Aipu ederra izan zitekeen liburu horretarako.

Castillo Suarezek liburu berria publikatu du, Elurra elurraren gainean. Hamalau poema, garai desberdinetakoak, biltzen dituen lana, Txakur Gorria sormen taldekoek egindako ilustrazioekin eta Fernando Reyk gaztelaniara egindako itzulpenekin. Tapa gogorra, paper berezia… luxuzko edizio daukan liburua da, poesialiburu ilustratua da, helduentzako poema-liburu ilustratua, ‘bitxikeri’ bat, oso gauza pertsonala. Izan ere, editore lanetara animatu da Castillo Suarez, eta bera da ekoizlea, Elkarreko jendearen laguntzarekin, baina berak egin du argitalpena, modu bikain batean.

Bizirik irautea aipatu dugu arestian. Elurra elurraren gainean liburu honetan oso presente dago hori. Batetik, azken bi hamarkadetan idatzitako poema sorta oso bati bizi berri bat eman diolako, enkarguzko poemak baitziren, guztiak idatziak ekitaldi ezberdinetan irakurriak izateko, hala nola, omenaldietan, hiletetan edota urteurrenetan, besteak beste, eta ez ziren egilearen liburuetan argitaratuak izan. Eta bestetik, memoria delako liburuan gailentzen den gaia, bizirik egon ziren haiek bizirik iraungo dute, bizirik jarraituko dute haien omenez datozen poemetan, betiko bizirik gelditu dira Castillo Suarezek erein duen elur egin berriaren gainean.

Poema bakoitzak badu bere esanahia, testu bakoitzak badu bere istorioa. Testu bakoitzaren azpian agertzen da norentzat egin zen. Hor dago haiek utzitako arrastoa, bidean aurrera jarraitzeko.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak