kritiken hemeroteka

8.288 kritika

« | »

Aireportuko musika / Luis Garde / Pamiela, 2020

Kontaera eraikitzea Javier Rojo / El Diario Vasco, 2020-12-19

“Aireportuko musika”k, Luis Garderen eskutik datorren azken nobelak, etorkizun hurbil batean kokatzen du argumentua. Izan ere, nobelaren abiapuntua etorkizun horretan gertatutako bahiketa bat da: 2027. urtean, Leyre Olcoz, Nafarroako politikari erregionalista, bahitu du EHAS izeneko taldeak. Bahiketa gertatu eta bi urtera, Koldo Lakar idazleari enkargua egiten diote gertakari horien gaineko kontaera egin dezan. Neurri batean politika fikziozko istorio bat da. Eta alde horretatik begiratuta, esan daiteke bertan kontatzen dena Euskal Herriaren historian gertatutakoari zeharka begira dagoela, argumentua etorkizuneko metafora horretan balizko aukeren inguruan arituko balitz bezala. Baina gertakariek beren kontaera behar dute, eta Koldo Lakarren bidez horixe da nobelaren bigarren argumentu lerroan eskaintzen dena, kontaera bera, “errelatoa”, nola moldatzen eta atontzen den helburu politiko zehatzen interesei egokitzeko.

Aitortu behar dut bahiketaren kontua azaltzen denean horren inguruko bidezidor politikoak nahasi xamarrak iruditu zaizkidala, ulergaitzak askotan, eta, batzuetan, gertakari tragikoak direla aintzat hartu ezean, ia parodia baten aurrean nengoela ematen zuela. Bigarren arloa, ordea, askoz interesgarriagoa iruditu zait, kontaera bera nola eraikitzen den azaltzean, idazlea gertakari zehatzek planteatzen dituzten mugetatik nolabait askatuta, kontakizunak sakontasunean irabazten baitu. Eta bitartean, argumentu nagusiarekin zeharka baizik erlazionatuta ez dauden beste istorio batzuk ere azaltzen dira, ia interpolatutako narrazioak diruditenak: hauetan (narratzaileak Teruelera egiten duen bidaia, adibidez) atal bikainak aurkezten dizkigu idazleak. Horren ondorioz, nobelak harribitxiak eta laharrak tartekatzen dituen idazlan irregularraren inpresioa utzi dit. Harribitxiak agertzen direnean, orduan gorengo maila lortzen du.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak