« Distopia bat | Atxagara bueltan »
Basa / Miren Amuriza / Elkar, 2019
Basa Karmele Beobide Urigoitia / Begitu, 2019-12-01
Miren Amuriza Plaza, nork ez dau ezetuten? Bertsolaria, galdetzea be! Baina oingo honetan helduentzat dan istorio bategaz jatorku. Igartza bekeari esker idatzi dauana eta guri guztiori leiduteko aukerea emon deuskuna.
Sabina Gogenola, urteetan aurrera joanda dagoan Altzerreka baserriko uzabandra alarguna da; bere zaintzapean dagoz Henry (bertako semea, urte luzez Ameriketan artzain ibilia, baina aspalditik oheratuta bizi dana hankea anputau eta gero) eta etxaldea. Urteak gogortu dabe Sabina, bere baserria da bere mundua, behiakaz, ardiakaz, etxeko txakurragaz edo katuakaz ederto baten konponduten da uzabandrea, eurakaz daukaz berba gozoak, maitasunezko keinuak… Etxekoakaz dana da errezeloa, ika-mika eta tensinoa; auzokoakaz, dana erretolikea eta norgehiagokea.
Dana aldrebestuko da Sabinari egingo deutsien ebakuntza txiki bategaz, zaintzailea izatetik zaindua izatera pasetan danean biztuko da gatazkea.
Zaintza gatazka modura erakutsiko deusku, Sabinak beretzat daukan egitea, poderea, seme-alabengandik datorrenean kontroltzat biziko dauana. Seme-alabak egunerokoa erraztu gura deutsien arren, berak ez dau ezer jakin gura modernidadeagaz, erosotasunagaz, inork ez deutso esango zelan bizi behar dan… Gatazka honek aurreikusi ezin dan ondorio larria izango dau.
Amurizak bere eleberri honetan biziteko era bat akabetan dabilen mundu ikuskera bat erakusten dau, erretratu gordin eta fidel bategaz. Arin baten leiduten dan eleberria da, era zehatzean eta indartsuan idatzita dagoanez gure inguruan bizi edota bizi izan diran andrak etorriko jakuz burura, personen arteko harremantzeak daukien zailtasunen aurrean ipiniko gaitu. Leiduten segiduteko gogoagaz itxiko gaitu, hurrengo eleberriaren zain.
Baserria, basa-andrea, biziteko era basa… Paperezko txoriak izan behar eban istorioa gure gozamenerako Basa bihurtu zan.
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera
Ura ez baita beti gardena
Xabi Lasa
Irati Majuelo
Gaueko azken expressoa
Eneko Aizpurua
Ibon Egaña
Carvalho Euskadin
Jon Alonso
Aiora Sampedro
Gizadiaren oren gorenak
Stefan Zweig
Jon Jimenez