« Munduko tokirik ederrena | Hilketak Pasaian »
Hezurren erretura / Miren Agur Meabe / Susa, 2019
Hezurren erretura Alaitz Andreu / Aizu!, 2019-11
Aurreko lanetik sei urte igarotakoan ekarri digu Meabek Hezurren erretura, osotasun bati erantzuten dioten 21 ipuinez ehundutako testu bilduma zatikatu eta, aldi berean, biribila.
Idazleak berezkoa duen prosa poetikoa atzeman daiteke liburu honetan ere, eta entzun ere bai, hautatzen dituen hitzek eta hitzen hurrenkerak berak musikaltasuna eransten baitiote bere edo protagonistaren historiari. Bere gorputz hezurren istorioei. Hezur mordoa den bizitzari. Eta, hain zuzen ere, hezur mordo hori erretzera dator protagonista, iraganean eta memorian (eta, ondorioz, gorputzean) iltzatuta dauzkagun hezur ankerrak erre eta ongarri bihurtzera, gauza onak gal ez daitezen.
Bada, idazleak edo protagonistak (fikziozko autobiografia egin omen du idazleak, baina ezin jakin zer den fikzio eta zer autobiografia) idazketa du erreturarako arma, eta iraganetik orainaldirako joan-etorriei luma sartuta egingo dio aurre hain ausarta den kontzientzia, agentzia eta protagonismo hartze horri, ikasitakoak desikasi eta ahalduntzeko prozesuan aurrera egiteko.
Hala, askotariko gaiei (bizipenei) helduko die, eta eskola garaiko soinekoak, erlijioa, nerabezaroko usoak, gaztetako eta helduaroko bikotekide ohiak, arratoiak, ohelagun izandakoak, lagunak, etxeak, katua, semea, bakardadea, idazketa… izango ditu hizpide; bere hiztegi zabal eta aberatsaren laguntzaz, errauts bihurtuko du dena. Idaztea hezurrak erretzea delako.
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera
Ura ez baita beti gardena
Xabi Lasa
Irati Majuelo
Gaueko azken expressoa
Eneko Aizpurua
Ibon Egaña
Carvalho Euskadin
Jon Alonso
Aiora Sampedro
Gizadiaren oren gorenak
Stefan Zweig
Jon Jimenez