« Lur hartzen | Hezurren erretura »
Munduko tokirik ederrena / Iñigo Aranbarri / Susa, 2018
Munduko tokirik ederrena Hektor Rodriguez / Begitu, 2019-11-01
Aspaldian hartu neutsan gustua Iñigo Aranbarrik idatzitako liburuak irakurteari. Aitortu behar dot sarritan kostau egiten jatala bere narrazinoen haria jarraitutea, hain da aberatsa bere hiztegia nire buruan daukadan hiztegi mugatuak gainezka egiten dauala. Normalean baino astiroago irakurrita be, bere liburuakaz lortzean dodan gozamenak edozein traba gainditzen laguntzen nau.
Ba kasu honetan ez dot zailtasun hori hainbeste sentidu, irakurketa errazagoa egin jata. Munduko tokirik ederrena liburua aurretik irakurri dodazan bere beste liburuak baino errazago egin jata irakurterakoan, hiztegia eta idazkera betiko moduan aberatsa izanda be, liburua osotzen daben ipuinen haria ez galtzea erraza izan da.
Ipuinez osotutako liburua da eta hemen aitatutakoa, 2018an idatzia. Aranbarrik oin arte batez be poesia eta eleberriak idatzi badauz be, igaz lehenengoz ipuin-liburu bat argitaratu eban. Hamar ipuinez osotuta dago. Kapitulu batetik bestera jarraipenik ez badago be, alkarren arteko loturak aurkitu geinkez irakurketan. Kokapenaren aldetik danak Urola bailararen inguruan lekututa dagoz, Aranbarri beraren jaioterriaren inguruan (Azkoitia). Jorratutako gaietan be lotura aurkitu geinke, ipuin guztiak iraganeko gertaerai buruzkoak dira eta. “Atzorik gabe ulertzetik ez dagoen oraina” esaten dau liburuak berak; memorian gelditutako iraganeko gertaerak orainaldian daukien isla aurkituko dogu ipuinotan. Istripuak, hilketak, garrantzirik bako gertaerak, drogak, herria… hainbat dira iragana orainera ekarriko daben gaiak.
Ipuin bakotxa irakurten hasterakoan “galduta” egotearen sensazino atsegina sentidu izan dot, baina Iñigok zer kontatuko deuskun eta istorioa nondik joango dan jakin ezinak, irakurketeagaz jarraitu arazo egin deusta atal guztietan, gelditu ezinik. Ipuin honeek hasikera-hasikeratik “engantxau” egiten zaitue. Gainera, lerro gitxitan ederto kondensau izan dauz istorio biribilak, ipuinen formatuan be narrazino luzeetan moduan kalidade handiko kontakizunak oparitzen deuskuz liburu honetan. Iragana gero eta handiagoa daukagunok gainera une askotan identifikauta ikusiko dogu gure burua istorioetan. Gertutasun horrek lagunduta, asko gozatzeko liburua dozue hau.
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera