« Gisèle | Isiltasunari hitzak »
Ez da erditzea / Ione Gorostarzu / Elkar, 2019
Emakumea izateaz Javier Rojo / El Correo, 2019-05-11
Amatasunaren gaian oinarrituta, Ione Gorostarzuk emakumearen paperaz hausnartzen du “Ez da erditzea” izenburuko poema liburu honetan. Ez dakit poesiaren alorrean paradigma aldaketa baten aurrean gauden, baina susmoa dut horixe gertatzen ari dela. Azken urte hauetan plazaratzen diren liburu askotan subjektu poetikoa agertzen zaigu erdigunean, bere nitasuna (azken finean idazlearen figurarekin pareka daitekeen nitasuna) hanpatua agertzen delarik. Poesiak, elaborazio erretoriko-poetikoak alde batera utzita, aitortza pertsonalen itxura hartzen du, non norberaren burua adieraztea garrantzitsuena den. Komunikazio poesia da. Sentimenduak edota ideiak plazaratzen dira, eta gehienbat sentimendu edo ideia horiek komunikatzean datza poesia. Joera hau gero eta zabalagoa da, eta iruditzen zait oraindik sistema poetikoaren erdigunean ez badago ere, nahiko hurbil dagoela. Ione Gorostarzuren poesia puntu horretan kokatzen dela iruditzen zait. Beraz, berak zabaldu nahi duen mezuak hartzen du garrantzirik handiena.
Gaiaren aldetik, liburu honen oinarria amatasuna da. Eta hortik abiatuta, beste hainbat gai aipatzen dira: maitasuna, gorputza, sentimendu kontrajarriak, amarekiko erlazioak… honelako gaiak azaltzen dira bata bestearekin loturik, katebegiak bailiran. Gai hauetatik guztietatik garrantzitsuena, orokorrena baita eta, beraz, beste gai guztiak bere azpian biltzen dituena, emakumearen papera da. Emakumea, berez, izaki alienatu moduan agertzen zaigu. Bere izaera besteekin dituen harremanen arabera definitzen da, zeren emakumea beste baten ama (edota alaba, emaztea) baita eta beste horren presentziak zehazten eta mugatzen du bere izaera. Besteen arabera definituta agertzen delarik, sentimendu kontraesankorrak azaltzen zaizkio amatasuna edota maitasuna bezalako gaien aurrean. Eta besteen arabera bizitzeko joera horrek aurreko belaunaldietan gertatutakoa errepikatu egiten du, ia-ia ezinbesteko patua izango balitz bezala. Maitasunak justifika lezake egoera hau. Baina askotan maitasunak asmatutako aitzakia baino ez dirudi.
Gorostarzuk kontraesan hauek guztiak nabarmentzen ditu, poesia konstatazio bihurtzen delarik.
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera