« Ahotsak ikusaraztea | Sekula kontatu behar ez nizkizun gauzak »
Gure oroitzapenak / Joseba Sarrionandia / Elkar, 2018
Sarrionandiaren mezu hunkigarriak musikaz blai Marta Goikoetxea / Bilbao, 2019-01
Joseba Sarrionandiaren testuek eta bertako iruditeriak euskal jendearengan utzi duten arrastro sakona jaso nahirik, hainbat musikataldek eta bakarlarik egindako 32 kanta bildu dira Gure oroitzapenak izeneko disko- liburuan. Batetik, iurretarrari, 1983an hasi eta gaur arte, 35 urteotan grabatu dizkioten 150 kanta inguruko sortatik abesti eta musikari nabarmenenak hautatu dira. Bertan dira Mikel Laboa, Ruper Ordorika, Iker Goenaga, Ken Zazpi, Imanol, Oskorri, Gontzal Mendibil, Eñaut Elorrieta, baita Izaki Gardenak, Fermin Muguruza, Alaitz eta Maider, Andrea Ulloa eta Igor Arzuaga, Gose eta Berri Txarrak ere. Bestetik, proiektu honetarako berariaz sortu eta grabaturiko kantak daude, egungo artista esanguratsuenen eskutik: Anari, Audience, Zea Mays, Mikel Urdangarin, Rafa Rueda, Amorante, Mursego eta Jexuxmari Lopetegi, besteak beste.
Proiektuak hiru ardatz ditu, eta nagusia literarioa da, olerkia baitago denaren mamian. Hedapenari dagokionez, kantagintza eta zinemagintza dira beste bi ardatzak. Izan ere, poema musikatuak biltzeaz gain, liburuan jaso dira Gure oroitzapenak pelikula osatzen duten 12 film laburren oinarri diren ipuin eta poemak.
Argitalpen honek badu, azkenik, beste osagai bat, balio aparta ematen diona: Sarrionandiak berariaz idatzi dituen glosak, bai kanten bai filmen inspirazio-iturri izan diren testuak banan-banan iruzkintzen dituztenak, bakoitzaren sorrera eta testuinguruaren berri emanez. Guztia, Maite Mutuberriaren marrazkiek interpretaziorako eta iradokizunerako daukaten ahalmen bereziaz jantzia. Disko-liburu hau idazle iurretarraren sorkuntza aberatsaz eta hunkigarriaz blaitzeko aukera ezinhobea izan daiteke.
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera