kritiken hemeroteka

6.959 kritika

Azken kritikak

« | »

Itzulera / Martin Bidaur / Susa, 2017

Itzuli aurreko guda Miren Lizarralde / Gara, 2017-11-04

Oroitzapen hautsien berreraiketa proposatzen du Martin Bidaurrek “Itzulera” lanean. Eguneroko poetiko baten amildegian behetik gorako bidean gora eginda eman ditu pausoak, eta memoriako iltzeak banan-bana askatu ditu bereak ez ezik senideenak ere badiren arrokatzar trinkoen erraietatik. Literaturaren lubakian lehen lerroraino iritsi da 21 urteko idazle gaztea, bizkar gaineko zamari zor dion iluntasun hertsian amildu ostean.

Bere poemategiko lehenengo atalaren izenburuari keinu eginez, hautsitako souvenir baten puskak banan-banan jaso ditu zoru hotzetatik, Parisko kaleetatik, bizitzaren korridoreetatik. Zatirik txikienak berreskuratu eta poema labur baina sakonetan berez zuen itxura ematen saiatu da berriro. Bost “borroka eremutan” banatu du bere lehenengo lana. Bidezidor nahasietan, kontakizun estatikotik urrun eta poesiak mugimenduari zor dion abiadura kulunkatsuan berunezko zerupeetan idatzi izan zituen sorkuntzei zentzurako bide eman die. Muturreko hausnarketetaraino luzatu du eskua hauts artetik erreskatatutako oroitzapenetan, izan heriotza, izan existentzialismoa, izan bizitza bera. Lekeda sotilaz itsatsitako sentipenen mapa egituratua da “Itzulera”, amildegiaren goialdean ezkutuan dagoen lautada eta belargune zabalen iradokitzailea.

Barru-barrutik papereratutako asmoen zerrenda mamitua, uzkurtutako sentipenen galbahe mutu batetik irekieraren alde argitasunak bidea aurki dezakeen zirrikituetarainoko bidearen trazua egin du Martin Bidaurrek. Parisko ezlekuetako zuloetan utzitako iraganaren oroitzapen sendoegi batzuetatik norbere egitura emozionala biguntzeraino behar izan dituen arrazoi metaketen ondorio bat da. Inoiz inon egoteko, existitzeari nolabait uzteko nahi baten, itzuli aurreko guda baten kontakizun intimoa.

Azken kritikak

Mundu ikuskerak euskal narratiba garaikidean: modernitatearen krisitik postidentitatearen promesera
Gorka Mercero

Mikel Asurmendi

Biennale
Beatriz Chivite

Peru Iparragirre

Mina edo libertatea!
Kepa Larrea

Javier Rojo

Hodien metafisika
Amelie Nothomb

Amaia Alvarez Uria

Nora goaz euskalduntasun honekin?
Joxe Manuel Odriozola

Joannes Jauregi

Gaizki ulertua
Irene Nemirovski

Aiora Sampedro

Hitzontziak
Xabier Montoia

Iratxe Esparza

Poesia kaiera
Rosalia de Castro

Igor Estankona

Mendi-joak
Aingeru Epaltza

Javier Rojo

Mendi-joak
Aingeru Epaltza

Peru Iparragirre

Gerezi denbora
Inazio Mujika Iraola

Amaia Serrano Mariezkurrena

Eoskola. Heziketa hipermodernoa
Mitxelko Uranga

Javier Rojo

Txoriak dira bederatzi
Tere Irastortza

Aitor Francos

Haizeari begira
Jon Ariza de Miguel

Usoa Alberdi Fernández

Artxiboa

Otsaila 2018

Urtarrila 2018

Abendua 2017

Azaroa 2017

Urria 2017

Iraila 2017

Abuztua 2017

Uztaila 2017

Ekaina 2017

Maiatza 2017

Apirila 2017

Martxoa 2017

Hedabideak