kritiken hemeroteka

6.995 kritika

Azken kritikak

« | »

Maite poemak hasiberrientzat / Juan Kruz Igerabide / Denonartean, 2016

Lehenengo amodioak Javier Rojo / El Diario Vasco, 2016-06-18

Juan Kruz Igerabideren eskutik heldu zaio euskal irakurleari “Maite poemak hasiberrientzat” izenburuko idazlana. Kasu honetan izenburuak oso ondo laburbiltzen du irakurleak bertan aurkituko duena: maitasun poemaz osatutako idazlana da, eta irakurle gazteei zuzendutakoa. Gazteentzako poesia, beraz. Askotan pentsatzen denaren kontra, gazteak ohituta daude poesia moduko testuetan beraien sentimenduak islatzen dituzten hitzak bilatzen. Kontua da testu horiek eta poesian adituak diren irakurle helduek poesiatzat hartuko lituzketenak ez datozela bat askotan. Gazteek beste inguru batzuetan bilatzen dute osagai poetiko hori: abestietan edota interneten aurki daitezkeen hainbat testutan, adibidez. Hortaz, ez dugu pentsatu behar haiei poesia arrotz zaienik. Testuinguru hau kontuan hartuta, lehenengo eta behin azpimarratu behar da Igerabidek, poesia eta gazte literatura oso ondo ezagutzen dituelarik, badakiela gazteen interesekoak izan daitezkeen testuak prestatzen. Izan ere, aurreiritziak alde batera utzita, bera izan zen nerabea begi aurrean paratu eta nerabe haren kezkak, ideiak, zalantzak azaltzen ditu testu hauetan. Idazlan honetan lehenengo amodioez aritzen da eta ikuspuntua amodio horiek gogoratzen dituen helduarena da. Baina ikuspuntu horrek eskain lezakeen talaia baztertuta, nerabezaroko begirada errugabea berreskuratzen saiatzen da. Poema hauetan ikusiko dugu nola gogoratzen diren dudak eta ezinegonak, beldurrak eta zalantzak. Gorputzari buruzko erreferentzia ugari agertzen zaizkigu. Sexuaz ere aritzen da, baina kasu honetan idazleak zeharkako erreferentzien bidez egitea erabaki du. Lehenengo amodioetan agertzen diren gorabeherak azaltzeko musikaren garrantzia azpimarratzen da gitarra objektu enblematiko moduan azaltzen zaigularik. Lehenengo amodioak lurralde ezezagun batean egindako abenturen parekoak dira. Eta abentura hauek beren alderdi txarrak ere izan ditzakete: hortaz, ezinbestean desamodioa edota norabide bakarreko maitasuna aipatu beharrekoak dira. Nerabeentzako liburua da hau, baina ziur nago irakurle helduek ere gustura irakurriko dutela, aurreiritziak bide bazterrean utziz gero.

Azken kritikak

Biennale
Beatriz Chivite

Igor Estankona

Demokraziaren pribatizazioa
Jule Goikoetxea

Peru Iparragirre

Azala erre
Danele Sarriugarte

Javier Rojo

6012
Karlos Linazasoro

Aiora Sampedro

Filiala
Sergei Dovlatov

Joannes Jauregi

Zaldi mamarroa
Ekaitz Goienetxea

Iratxe Esparza

Bihotz handiegia
Eider Rodriguez

Hasier Rekondo

Pelegrinak
J.E. Urrutia Capeau

Javier Rojo

Zaldi beltzak zeruan
Txomin Peillen

Peru Iparragirre

Tiroa kontzertuaren erdian
Belen Gopegui

Aritz Galarraga

Zaldi mamarroa
Ekaitz Goienetxea

Javier Rojo

Zauri Bolodia
Oier Guillan

Aiora Sampedro

Azala erre
Danele Sarriugarte

Joannes Jauregi

Jainkoen zigorra
Alberto Ladron Arana

Iratxe Esparza

Artxiboa

Apirila 2018

Martxoa 2018

Otsaila 2018

Urtarrila 2018

Abendua 2017

Azaroa 2017

Urria 2017

Iraila 2017

Abuztua 2017

Uztaila 2017

Ekaina 2017

Maiatza 2017

Hedabideak