kritiken hemeroteka

8.288 kritika

« | »

Hiri hondakin solidoak / Jon Alonso / Txalaparta, 2015

Nobelaren itxuraz Javier Rojo / El Correo, 2015-10-24

Jon Alonsok Enekoitz Ramirez, Lanbas ezizenez, ikertzaile pribatuaren abentura berri bat kontatzen du “Hiri hondakin solidoak” izenburuarekin argitaratu den eleberrian. Ikertzailea misantropo samarra da, iragan gorabeheratsuaren jabea, eta bere indarrek burutu ahal lezaketen ikerketa baino askoz handiagoa dirudien batean sartuta ikusten dugu. Ikerketa honi bidea ireki dioten gertakariek, bestaldetik, euskal kulturarekin zerikusia dute: Bilbon Euskaltzaindiak duen egoitzan anonimoak jaso dituzte eta Lanbas kontratatzen dute anonimo horien jatorria aztertzeko. Argumentuan topikoak agertzen zaizkigu, boterea eta boterearen atzean ezkutatzen den zaborra, sexu zaletasun ez-ohikoak, ikertzailearen laguntzailearena egiten duen prostituta… hau da, hiriaren atzeko aldean pilatzen den guztia. Kontua da nobela beltz batek benetan funtzionatuko badu argumentuan agertzen diren osagaiek oso ondo erlazionatuta egon behar dutela, irakurleak segida naturalean aurrera doazela pentsa dezan. Eta hemen nobela beltzaren hezurdurak ez du koherentzia hori gordetzen. Irakurlea zergatika hasten bada, berehala konturatuko da argumentu horrek ez duela euskarririk. Beraz, idazlan honetan agertzen diren gertakariek gehiago dirudite beste zerbait azaltzeko aitzakia, benetako nobela baten argumentua baino. Eta zer da azaltzen zaiguna? Narratzailearen papera betetzen duen protagonistak euskal kulturarekin erlazionatuta dauden erakundeak (Euskaltzaindia eta unibertsitatea, besteak beste) gupidarik gabe kritikatzen ditu, eta horixe da liburuaren helburua. Nobela beltza izan zitekeen, baina argumentuak huts egin du alde horretatik; txiste luze bat izan zitekeen, baina amorru gehiegi erakusten du kritikak.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak