« ‘Concerte pour le main gauche’ | Hala ere, beti pauso bat aurrera »
Koldar hutsa zara / Aritz Gorrotxategi / Erein, 2015
Desengainuaren garaia Javier Rojo / El Correo, 2015-09-26
Aritz Gorrotxategiren azken liburu hau desengainuari buruzko nobela bat da, desengainutik idatzitakoa. Argumentua bi ataletan banatuta dago. Lehenengo atalean kontatzen direnak 90eko hamarkadan kokatuta daude. Erdigune moduan taberna bat aurkezten da, “Krapula” deitzen dena, non pertsonaia batzuk elkartzen diren. Pertsonaiok berez nahiko desberdinak dira, hain desberdinak non, batzuetan, norbanakoak barik ereduen errepresentazioak baitirudite. Izan ere, taberna horretan berdin elkartzen dira Kale Borrokan aritzen diren gazte abertzale porrokatuak zein paparrean lazo urdina daramatenak. Leku horretan pertsonaia hain desberdinak elkartzen direla aprobetxatuta, lehenengo pertsonan hitz egiten duen narratzaileak istorioak kontatzen ditu, pertsonaiei buruzkoak edo pertsonaien ingurukoak, eta ez du egokiera huts egiten iritziak ere plazaratzeko.
Nobela istorioz istorio, anekdotaz anekdota, aurrera doa, baina lehen esan bezala, iritziak ere ez dira falta. Alde honetatik esan behar da kontrajarpen bat agertzen dela argumentuaren norabidea antolatzen: Nietzscheren ideiak oinarritzat hartuta, norbanakoaren eta artaldearen arteko kontrajarpena, narratzaileak behin eta berriro artaldetik aldendu nahia azaltzen du-eta. Bigarren partea “orain” kokatuta dago eta lehenengoaren ondoriotzat har daiteke. Pertsonaiek aspaldian utzi dute tabernan elkartzen zireneko garai hori eta bakoitzak bere bizitza egiten du. Narratzaileak artaldetik aldentzearen aldeko aldarrikapenekin jarraitzen du, baina kontraesanez beterik.
Gorrotxategiren nobela batzuetan episodikoegia da eta narrazioaren haria gal daiteke, baina nahiko ondo islatzen du desengainuaren ibilbide osoa ezagutu dutenen giroa.
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera
Ura ez baita beti gardena
Xabi Lasa
Irati Majuelo
Gaueko azken expressoa
Eneko Aizpurua
Ibon Egaña
Carvalho Euskadin
Jon Alonso
Aiora Sampedro
Gizadiaren oren gorenak
Stefan Zweig
Jon Jimenez