kritiken hemeroteka

8.288 kritika

« | »

Atertu arte itxaron / Katixa Agirre / Elkar, 2015

Herrira bueltatzea Javier Rojo / El Correo, 2015-05-23

Ezaguna zen Katixa Agirreren trebetasuna narrazio laburrak idazterakoan, eta gazte literaturan aritu denean ere idazle interesgarri moduan agertu izan da beti gure artean. Oraingoan, bere literatur ibilbidean beste mugarri bat altxatuz, helduentzako nobela baten egile agertzen zaigu. “Atertu arte itxaron” du izenburu liburu honek. Nobelan hiru hari narratibo daudela ematen du hasiera batean: Euskal Herrian zehar bidaia egiten duen bikotearengan zentratzen den istorioa; Benjamin Britten izeneko musikari ingelesa ardatz duen kontakizuna; eta trantsizio politikoaren hasieretara bidaltzen gaituen istorioa. Hiru hari narratibo hauek hasieran elkarren artean erlaziorik izango ez balute bezala aurkezten dira, baina berehala hasiko dira sortzen hiru istorio hauen artean harremanak, halako eran non istorio bakarra osatuko baitute. Bestalde, hiru hari narratibo hauek narratzaile mota desberdinen ardurapean geratuko dira, nobelan teknika aniztasuna eta aberastasuna ere badaudela erakutsiz. Argumentuaren ardatz nagusia bikoteak (Gustavok eta Uliak) egiten duten bidaia da (Ulia da atal honen narratzailea eta argumentua berarengan fokalizatzen da). Emakumearentzat jaioterrira bueltatzea inplikatzen du bidaia honek; gizonarentzat, ordea, behinola basatiak izan ziren gizaki horien lurraldean zeharreko turismo-txangoa, gastronomia- eta historia-bidaia.

Katixa Agirrek nobela konplexu bat utzi digu, hausnarketarako bultzada ere izan daitekeena. Bertan geure burua nola ikusten dugun azaltzeaz gain, besteek ere gutaz duten iritzian sakontzen da, eta hau ez da gertatzen kontraesanik gabe. Egia da momentu batzuetan orain dela urte pare bat euskaraz argitaratutako beste nobela bat (“Mussche”) gogora ekar dezaketen zenbait pasarte irakur daitezkeela hemen. Edonola ere, liburu honekin Katixa Agirrek erakutsi du nobela-arloan ere idazlan guztiz interesgarriak egiteko gai dela, arretaz irakurtzea merezi duen horietakoak.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak