« Militantziaren xendra idatzia | Bakardadearen 99 aurpegi »
Hemen / Maite Toledo / Beta, 2013
Hemen Jose Luis Padron / Bilbao, 2013-06
“Ontzi bat igaro zen zure bihotzetik, haren zeharbidea zu gabe egiteari uzten ez diona”, Sophia de Mello poeta portugaldarraren aipu horrek dakar Maite Toledoren poema-bilduma berriaren hasiera. Maite Toledok Hemen izenburupean bildu ditu haren bigarren olerki liburuko poemak.
Maite Toledo Saralegi, Zaldibian jaiotako antzuolarrak, Turismoko unibertsitate ikasketak ditu, UNEDen eginak, baita Master Exekutiboa Enpresa Logistikako Zuzendaritzan ere. Askotariko komunikabideetan kolaboratu du, eta zenbait literatur sari jasotakoa da.
Ametsaren aro berria komiki-liburua argitaratu zuen 2005ean, gaztelaniara, frantsesera, portugesera eta ingelesera itzulia, eta formatu digitalean argitaratu zuten 2010eko udaberrian.
Tekno+turismoa saiakera lana iaz argitaratu zuen, Gipuzkoako Deba arroa erreferentzia-eremu geografikotzat hartuta, industria-, zientzia- eta teknologia-guneetan egindako ikerketaren emaitza da.
Jet Lag olerki liburua ere 2012an argitaratu zuen, Ediciones Betarekin. Eta Ediciones Betan topatuko duzue ere Maite Toledoren bigarren liburua, Hemen. Liburuko atalei jarri die “Hilezkortasunera igaroa”, “Poesiak salbatuko gaitu”, “Zu zeu” eta “Nabigazioak”.
Leku askotan da Hemen, baina, batez ere, Sardinian. Italiako bigarren uharterik handiena da Sardinia, mediterraneoa bisitatzen duen turista ugariren jomuga ikusgarria. Parke Nazional izendatuta dago artxipelagoa, hortaz urbanizazio erasoetatik libre da. Maite Toledoren liburuko indar eta tokietako bat hori da. Hala ere, tokian tokira aldatuko gaituzte poemek, izan hondartzara, izan etxera ala Etiopiara. Ona delako edozein toki, poesiarako.
Eta baikor dator Maite Toledo, poesiak salbatuko gaitu esanez. Eroso nabari zaio olerki horietan, nor den garbiago izango balu bezala. Gozamenera eraman du liburuak. Gozagarri egiten zaio hitzekin jolastea, baita haien kokapenarekin ere.
37 olerki bildu ditu liburuan, batzuk laburrak, oso laburrak, besteak ez hainbeste, zer kontatu duenaren arabera. Baina poema bisualak dira gehienak, batez ere laburrak. Laburrenetako batean dio: “Belar meta, pilatutako belarrak./ Pilatutako poesiak, metapoesia ote?”.
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera
Ura ez baita beti gardena
Xabi Lasa
Irati Majuelo
Gaueko azken expressoa
Eneko Aizpurua
Ibon Egaña
Carvalho Euskadin
Jon Alonso
Aiora Sampedro
Gizadiaren oren gorenak
Stefan Zweig
Jon Jimenez