kritiken hemeroteka

8.280 kritika

« | »

Japonia: poesiaren sumendi ezkutua / Andoni Salamero / Apatx, 2012

Poesi bidean Jose Luis Padron / 2012-08

Ibon Uribarrik ederki esplikatu zigun Senez 32.enean, haikuaren poesia formak tradizio luzea duela Japonian eta oso zabalduta dagoela egun ere: egunkarietan argitaratzen dira, aldizkari espezializatuak daude edota bidaiak antolatzen dira haikuaren historiarekin lotura duten tokietara, besteak beste.

“Adar biluziak/ Gau honetan izarrak berriro/ huts dira” esaten digu Ban’ya Natsuishi poetak, haikuak idazten gaur egungo aditu handienetarikoak.

Hain berezia den poesia mota horrek Japoniako mugak gainditu ditu aspaldidanik, eta hainbat toki eta hizkuntzatan sortzen dira haikuak gaur egun. Gurean Juan Kruz Igerabide, Karlos Linazasoro, Josetxo Azkona edota Andoni Salamero izan dira batez ere forma poetiko honen erabilera zabaldu dutenak.

Sentiberatasunaren atea ireki nahi duenak bihotza ireki behar du. Horrexegatik, sarri, eskua luzatu aurretik, bihotza luzatzen dugula esan ohi da. Irekidura hau agertzen dugun bakoitzean, beste herrien ohiturak, hizkuntzak, bizimoduak eta jardunean dituzten zailtasunen eta lorpenen unibertso zabala ulertzeko aukera ematen zaigu, eta hori eginez, herri horiexen errealitatea konprenituz, ezinbestez, haien zibilizazioa eta kultura ezagutzeko urratsak ematen ditugu.

Horren harira, ezinbesteko bertute horiei —sentiberatasunari, irekidurari, herriarekiko eta kanpotarren kulturaren ezagutzarekiko interesari— garrantzia emanez, Martin Jauregialzok eta Andoni Salamerok Japonia: Poesiaren Sumendi Ezkutua liburua aurkeztu dute. Apatx argitaletxeak apailatua, autoedizioan.

Lan honen abiapuntua Martin Jauregialzok Japonian egindako bidaia izan da, eta Japonian ateratako argazkiak oinarri hartuz zibilizazio horren kultura, usadioak eta bestelako ohiturak agertzen ahalegindu da, hori guztia argazki kameraren objektiboaren laguntzaz. Lan horren materiala bilduz, bidaia horri jarraipena emanez, Andoni Salamerok poemak idatzi ditu.

Natura eta haren suntsipena da liburuko olerkien gai nagusia. Hitz gutxirekin bide asko zabaltzeko ahalegina dago poema guztietan. Hirugarren poema liburua du Salamerok, aurretik kaleratu ditu Bide ertzeko printzak eta Zu. Ni. Bi. Bidean…, horiek ere Apatx-en eskutik.

Liburuak ditu Koldo Cadiernoren marrazkiak. GoiHata etxeak euskaratik japonierara itzuli du Salamerok eta Jauregialtzok egindako Japonia: Poesiaren Sumendi Ezkutua argazki eta poema liburua.

Azken kritikak

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Zakur zaunkak
Iñaki Irazu

Hasier Rekondo

Bufalo guztiak
Juanra Madariaga

Paloma Rodriguez-Miñambres

Independentzien eguzkiak
Ahmadou Kourouma

Jon Jimenez

Zirriborroak eta gero
Askoren artean

Asier Urkiza

Zirriborroak eta gero
Askoren artean

Amaia Alvarez Uria

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak