« Aldakuntza | Jainkoak sen ona berreskuratu zuenekoa »
Ilunorduak eta argilaurdenak / Joxantonio Ormazabal / Elkar, 2007
Poz eta tristura Jose Luis Padron / Bilbao, 2010-06
Jendetza batu zen Tolosan, Joxantonio Ormazabal (Zegama, 1948-2010) idazlearen aldeko azken agurra ematera. Bere heriotzaren albisteak hotzak trabaturik utzi du euskal letren mundua, aspaldian ez bezala. Euskal haur eta gazte literaturaren eboluzio nabarmen eta etengabekoan protagonistetako bat izaki, Joxantonio Ormazabalek haurrentzako hizkuntza literarioa bera baliabidez eta xamurtasunez janzten asmatu zuen, haur eta gazteak helduak baino gehiago irakurtzera modu ederrean bultzatuz.
Egindako lana aurrera berak bakarrik eraman ez bazuen ere, Joxantonio Ormazabal irakasle, idazle eta editoreak irakurtzeko zaletasuna bultzatu eta eskolan irakurgaiak lantzeko moduetan asko lagundu zuen, haurrentzat egiten diren literatur lanei buruzko interesa egunetik egunera handiagoa izateraino.
1983an bere lehen bakarkako lana, Margolin tximeletaren istorioa plazaratu zuenetik, hamaika liburu argitaratu zituen Haur Literaturan. Azken liburua, joan den hilabetean bertan aurkeztu zuen: Ehun ipuin hitz gutxitan (Elkar, 2010) izenekoa. 2009an Zirkua Amets album ilustratua plazaratu zuen Iraia Okinarekin batera.
2007an Ilunorduak eta argilaurdenak olerki bilduma atera zuen, eta niri iaz gazteleraz jartzea egokitu. Hori opari ederra egokitu zitzaidana! Ilunorduak eta argilaurdenak kalitatezko liburu garrantzitsua da niretzat, haurrentzat zuzendutako testuei dagokionez, inoiz horrela erabili gabeko gaiak (heriotza, esate baterako) nola landu dituen ikustea gauza ospatzeko modukoa izan baita nire begientzat. Topiko asko baztertuz, Joxantonio Ormazabal gehiegizko pedagogikeriaren kontra nabarmentzen da, literaturaren bidez mundua aldatzeko ariketa ergel hori zalantzan jarriz, nolabait esateko.
“Bi eratako pozak daude munduan niretzat: poz txikiak eta poz handiak. Zer da poz txikia? Adibidez, neuk sortu eta idatzitako ipuin bat, marrazki polit batzuekin, argitaratuta ikustea. Eta poz handia? Adibidez, kalean edo eskola batean aurkitzen dudan haur batek niri esatea: ‘Irakurri dut zure ipuina eta asko gustatu zait. Nola bururatzen zaizkizu horrelako ideia politak?’. Eta nik horixe nahi nuke: zuen eskuetan hartzen duzuen nire poz txiki bakoitza poz handi bihurtzea, haur guztiei asko-asko gustatzea”. Pozik bego Joxantonio Ormazabal.
Gizon barregarriak
Joxean Agirre
Asier Urkiza
Barbaro iraun
Louisa Yousfi
Amaia Alvarez Uria
Izotz ura
Lide Hernando Muñoz
Aiora Sampedro
Palestinaren okupazioaz eta kolonizazioaz
Perry Anderson
Irati Majuelo
Itzulerak
Miren Agur Meabe
Aiora Sampedro
...eta gauetik, euria
Fertxu Izquierdo
Jon Jimenez
Carvalho Euskadin
Jon Alonso
Asier Urkiza
Hitzak palmondo
Silvia Federici
Nagore Fernandez
Altxa, hildakoak
Fred Vargas
Ainhoa Aldazabal Gallastegui
Alderdi komunistaren manifestua
Karl Marx / Friedrich Engels
Aritz Galarraga
Maitasun kapitala
Karmele Jaio
Mikel Asurmendi
Larrosa bat Groenlandian
Iban Garro
Paloma Rodriguez-Miñambres
Jausiz
Alain Mendizabal Diaz
Maddi Galdos Areta
Hiriak eta urteak
Xabier Montoia
Irati Majuelo