kritiken hemeroteka

6.894 kritika

Azken kritikak

« | »

Laura kanpoan da / Javier Muguruza / Erein, 2000

Ez da ezer gertatzen Igor Estankona / Deia, 2002-09-03

Badakit aspaldiko kontuekin gatozela, baina liburu honek hitz bat edo beste merezi du. Oraindik hortik zehar bueltaka dabilen liburua da azken finean. Merkatal zentru bateko apalean ikusi nuen orain dela ez asko. Pako Aristiren “Irene, tempo di adagio” eta Ramon Saizarbitoriaren “Egunero hasten delako” zituen alboan, eta baita beste argitaletxe batzutako “klasikoak” ere. Ikasgelan irakurri beharreko liburu horietako bat bihurtu ote den galdetu nion nire buruari momentu labur batez. Supermerkatu handietako liburutegi txarto atonduetan, ordea, ez dago ondorio garbirik ateratzerik. Dena dela, liburuak badauka klasiko kutsua, lehenbizi, azalean. Jabier Muguruzaren unibertsoa anitza da, baina kantari legez, doinuetarako hitzen sortzaile moduan zein eskenatokian estilo jakin bat dauka. Hasieratik zeozerk esaten dizu ez dela ezer berezirik gertatu behar, gauak ez dizula beste munduko ezer opatuko, ezpada Jabier bere kitarrarekin kantak xuxurlatzen. Lasaitasun horrek egiten du berezi.

“Laura kanpoan da” honek ere lasaitasun berbera dauka. Egia esan bi kontakizun biltzen ditu, liburuaren titulua daramana bata, “Mont-de-marsan” bestea. Bigarren honetan Lapurdi, bat-batean, Frantzia da, eta Irun Espainia. Ez dut halakorik ukatuko, baina tira, euskaldungoa elkarrekin nahastuago zegoela uste nuen. Kontakizunean, hizkuntzan, erritmoan dago liburuaren gakoa. Gertaera edo keinu batzuk aukeratu eta beste batzuk baztertzean definitzen bada ondoen idazlea, Jabier Muguruzaren kasuan are nabarmenagoa da. Tipo lasai batek hain lasai ez dagoen jendeari buruz idazten du. Badirudi pertsonaiek ere men egiten diotela halako erritmo artifizialki geldo bati. Narra-tzailearen pentzutan daude, lainoak haizearekin bezalatsu, eta ez da ia ezer gertatzen. Horregatik harritu nau.

Darabilen hizkuntza praktikotasun gabea iruditu zait behin baino gehiagotan, nahiz eta hain justu hori den, antza, bilatzen dena. Baina froga moduan gomendagarria da irakurle ororentzat, orraztu gabeko liburu bat delako, lar ondo kalkulatu bako liburu bat, bihozkadei jarraituz idatzia. Ez egin kasurik kontra-azalari: “Bigarren narrazioan iparraldeko bar batera lan bila doan pianojolearen peripeziak kontatzen zaizkigu”. Esaldi borobila. Iruzkin hauekin zaila da irakurleari aurkituko duenaren berri ematea.

Azken kritikak

Golgota
Xabier Montoia

Amaia Serrano Mariezkurrena

Begirada
Jean-Paul Sartre

Joannes Jauregi

Mina edo libertatea! / Biba Mina!
Kepa Larrea

Aiora Sampedro

Ametsondoa
Peru Magdalena

Estibalitz Ezkerra

Jenisjoplin
Uxue Alberdi

Javier Rojo

Itzulera
Martin Bidaur

Igor Estankona

Hodien metafisika
Amelie Nothomb

Peru Iparragirre

Ametsondoa
Peru Magdalena

Igor Estankona

Baina ez lukete han egon behar
Asier Osinalde

Javier Rojo

Itzulera
Martin Bidaur

Aiora Sampedro

Nagusia kanpoan bizi da / 1928ko martxoaren 15a
Takiji Kobayashi

Joannes Jauregi

Ero hiria
Javi Cillero

Aritz Galarraga

Itzulera
Martin Bidaur

Miren Lizarralde

Maite ditut maite
Ismael Manterola

Iratxe Esparza

Artxiboa

Azaroa 2017

Urria 2017

Iraila 2017

Abuztua 2017

Uztaila 2017

Ekaina 2017

Maiatza 2017

Apirila 2017

Martxoa 2017

Otsaila 2017

Urtarrila 2017

Abendua 2016

Hedabideak