kritiken hemeroteka

8.288 kritika

« | »

Sirena-hotsak / Xabier Etxaniz Rojo / Erein, 2013

Oroimen malgua Javier Rojo / El Diario Vasco, 2014-01-03

Xabier Etxaniz Rojoren azken emaitzak Sirena-hotsak da eta lau narrazio biltzen dituen liburua da. Irakurlea berehala ohartuko da kezka nagusi batek zeharkatzen dituela alderik alde istorio horiek, oroimenarekin zerikusia duen kezka batek. Galdera baten bidez aurkez genezake kezka hori: Zein erlazio dago oroitzen dugunaren eta benetan gertatu denaren artean? Alde batetik, gezurrak egongo lirateke, oroitzen dena nahita aldatzea, iraganari buruzko bestelako irudi bat eskaintzeko asmoz. Baina gaia haratago doa. Oroitzen duen gizakia eta gertakarien lekukoa izan zena itxuraz bakarrik dira gizaki bera. Denbora igaro da eta denbora igarotzearekin batera oroimenak berreraikitzen du gertatutakoa. Eta berreraikitze horretan benetan gertatutakoa bezain garrantzitsua da oroitzen den gizakiaren momentuzko egoera. Izan ere, oroitzen deneko orainaldiak eta oroitzen den lehenaldiak bat egiten dute oroimenean eta azkenean, erlazio dialektiko baten ondorioa izango balitz bezala, oroitzapenak bi momentu horien talkan sortzen dira. Horregatik oroimena malgua da, aldakorra.

Liburuan agertzen diren lau narrazioetan oroimenaren malgutasun horren frogak agertzen zaizkigu. Narrazio batean Sara izeneko pertsonaiak aitaren aspaldiko argazki batekin egingo du topo eta horrek aldaraziko dizkio aitari buruz zituen oroitzapenak. Beste narrazio batean ikusiko dugu nola agure batek bere iraganari buruzko sekretuak kontatzen dizkion bere zaindariari. Edota AEBetara abentura bila doan pertsonaia ikusiko dugu beste istorio batean. Bukatzeko aspaldiko militanteak agertuko zaizkigu, gertaera beraren gainean interpretazio desberdinak emanez…

Liburu honek erakusten digu errealitateaz eraikitzen dugun irudiak eta errealitateak berak ez dutela zertan bat etorri.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak