kritiken hemeroteka

6.908 kritika

Azken kritikak

« | »

Han izanik hona naiz / Joseba Sarrionandia / Elkar, 1992

Naufragioak Patxi Zubizarreta / Egin, 1993-01-24

Nondikbait joan den urteko Durangoko azokara Sarrionandiaren narrazio liburu berri eta bitxi bat agertu zen: Han izanik hona naiz.

Eta Elkar-en literatur sail itxuraz berrituan agertutako eskaintza honetan, honelakoak aurki ditzakegu: “asmakizunak, datzibaoak, haur ipuinen per-bertsioak, moebius zintak, paradoxak, penny dreadfuls, ametsak, laburmetraiak, gogoeta solteak eta beste botoi galduak”, hots, 1989an Pamielan argitaratu “Ez gara gure baitakoak” liburuaren jarraipen gisako bat.

Baldin eta liburu hau zure begi aurrera mirail baten antzera jasotzen baduzu, berehala zutaz desasosegua, egonezina eta ondoeza jabetuko dira.

Eta irakurketak mirail barrenera eramango zaitu, letren zurrunbilora, eta egilearekin batera, gure giza patuaren azken eusgarria maitasunean topatzea esperoko duzu, eta amestu; baina amodioa, utzi berria duzun mirailaren bestaldean egongo da, zuri begira, irribarretsu.

Eta maitasunarekin bat egiteaz etsiturik, han izanik hona izango zara, liburuko letren artean izen handiak, izen ehortziak edirenen dituzu, hala nola justizia eta askatasuna, hau da, bakarrik eroek ahoskatu izan zituzten izenak, izen handiak, izen ehortziak.

Eta eroek, beren buruei izen haiek ahoskatu izanagatik, beren izena infinitoki kopiatzeko zigorra aginduko diete: eroa, eroa, eroa, eroa…

Eta erotasunez brodatutako beren zigor paperaren oihartzunak heroi hitza sortuko du: heroi, heroi, heroi…

Eta oihartzun horrek bere baitan beste bat ekarriko dizu: herio, herio, herio, herio…

Eta, ondo kostata, azkenik lokamuts horretatik esnatzean, sukarrak oraindik nahasirik, oraingoan zure begitartea mirailaren honuzko aldean topatuko duzu, eta zure begitartea erori eta hautsia ikusiko duzu, eta akaso maitasunaren bila abiatuta, oraingoan liburu barrenetik ikusiko duzu zuri so, eta apika damutu egingo zaizu Joseba Sarrionandiaren liburu hau esku artera eraman izana, ezen bere liburuek naufragatzen baino ez baitute laguntzen, eta gaur egun jendeak ez du naufragatzeko arriskurik, denik ttikiena izanik ere, nahi izaten.

Et caetera.

Azken kritikak

Elurra ikusi dut
Xabier Lete

Peru Iparragirre

Kaliforniatik bihotzez
Joseba Gabilondo

Aritz Galarraga

Haizeari begira
Jon Ariza de Miguel

Ibon Egaña

Bihotz handiegia
Eider Rodriguez

Javier Rojo

Begoñaren itzalpean
Jose Inazio Basterretxea

Mikel Asurmendi

Gu orduko hauek
Garazi Arrula Ruiz

Aiora Sampedro

Bihotz handiegia
Eider Rodriguez

Joannes Jauregi

Bihotz handiegia
Eider Rodriguez

Estibalitz Ezkerra

Barbaroak baratzean
Luis Garde

Javier Rojo

Barbaroak baratzean
Luis Garde

Peru Iparragirre

Jenisjoplin
Uxue Alberdi

Amaia Alvarez Uria

Itzulera
Martin Bidaur

Hasier Rekondo

Ametsondoa
Peru Magdalena

Javier Rojo

Jenisjoplin
Uxue Alberdi

Mikel Asurmendi

Artxiboa

Abendua 2017

Azaroa 2017

Urria 2017

Iraila 2017

Abuztua 2017

Uztaila 2017

Ekaina 2017

Maiatza 2017

Apirila 2017

Martxoa 2017

Otsaila 2017

Urtarrila 2017

Hedabideak