kritiken hemeroteka

8.288 kritika

« | »

Gasolindegian / Yurre Ugarte / Alberdania, 2010

Mugak Felipe Juaristi / El Diario Vasco, 2010-07-02

Liburu honek oihartzunarena egiten du. Ia lehen esaldian esandakoak bere errepikapena ekarriko du, geroago. Ipuinak dira liburuan bildutakoak, baina ipuinetan pertsonaiak, giroa eta tokiak errepikatzen dira. Ipuinek, bestalde, errealistak izan nahi dute, alegia oinarrizko errealitateari eutsi nahi diote. Alde horretatik, arraroa egiten da Kuros hilkorra izeneko testua, ipuin edo historia fantastikoa. Gainerakoak bai doinuz eta bai egituraz kidekoak dira, baina ez anaiak, ezta trukagarriak ere.

Bidasoa ondoko herri bat, auzune bateko gasolindegia dira testu hauetako guneak. Mugan dagoen espazioa da bata; ibaiaz beste aldean beste zerbait zabaltzen da, ezberdina baina neurri batean ezaguna zuhaitz baten adarra hesiaren bestaldera eroria bezala. Gasolindegia espazio hibridoa da, errepide ondoan eraikia. Autoak ibil daitezen lan egiten du, eta era berean geldiunearen sinbolo ere bada, gidarien eta berarekin doazen bidaideen atsedenleku. Ipuinak ere mugakoak dira nolabait. Errealistak izanik asko zor diote fantasiari, eta fantasiaren lurraldean patuak edo halabeharrak sortzen duen fikziozkoari. Gaur egun hain modako den kontaerari jarraitzen dio, horretan bederen. Fantastikoa da, esatetako, Ines Landen isats pianoaren pasadizoa; fantastikoa da piano horren inguruan gertatzen dena. Halako atmosfera magikoa sortzen da, aspaldiko narrazioetakoa bezalakoa.

Oso ipuin freskoak dira, dena dela. Oso hurbiletik kontatuta dirudite. Autobus batean joanik, ondoko eserlekuan eserita dagoenak guretzat kontatuko balitu bezala, bertatik bertara, eta beraren ahotsa eta beraren aho gustukoa adituz. Gasolindegira iritsi eta sakabanatu arte, noski.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak