« Istorio metaketa | Kaosa eta idazlea »
La lutte finale / Joxean Agirre / Elkar, 2008
Maskarada Felipe Juaristi / El Diario Vasco, 2008-12-19
Ez da egia askorik gure mundu honetan; gezur bilaka ez daitekeenik, bederen. Identitatea, esaterako, ez da ezer zehatzik, nahasmena baizik. Ez dakigu zer garen eta ez dakigu garenak ote garen. Bereziak eta partikularrak izan. nahi dugu, eta gero eta antz handiagoa dugu besteekin, barnetik kanporako mugak deuseztatu egin baitira. Ez gara guk uste duguna, besteek, guri begiratzean, ikusten dutena baizik. Ez da arrotza egiten, oso arrunta baizik, Joxean Agirreren pertsonaia. Hain arrunta non, bera ez den gizontzat hartzen baitute besteek, emakumeek batez ere. Nahasmen horrek egoera bitxia sortarazten du, alde askotatik begiraturik, komikoa gehien bat. Ez dago tragediarik, pertsonaiak onartuak baititu bere ezintasunak eta bere eza. Baina nola jakin bera nor den? Izenik ere ez da inon ageri. Pertsonaia buruz dakiguna aspaldiko koaderno batean idatzita dago. Alderdi bateko buru batek, Garibaldi deitzen den batek, hain zuzen, idatzitako oharrak dira berari buruz dakigunaren adierazle. Galde daiteke, beraz, ea erreala ote den halako pertsonaia, ala fikzio batekoa, alegia gezurretakoa. Galde daiteke era berean fikzioa aipatu dugunez, zenbaterainoko sartua ote duen nork berak bere bizitzaren baitan gezurraren egia. Fantasiaren baitakoak gara, eta fantasiak eragina du ez soilïk barne munduan, baita kanpokoan ere, barnekoaren zabalgunea baita. Bada nobela honetan beste kontua, aurrekoarekin lotuta dagoena. Bizitza den antzezpentxo honetan norberak onartzen dituen paperak aldatu egiten dira. Internazionala bera ere, maskarada bateko doinua da.
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera
Ura ez baita beti gardena
Xabi Lasa
Irati Majuelo
Gaueko azken expressoa
Eneko Aizpurua
Ibon Egaña
Carvalho Euskadin
Jon Alonso
Aiora Sampedro
Gizadiaren oren gorenak
Stefan Zweig
Jon Jimenez